web counter
LEXO PA REKLAMA!

SHKARKO APP

App Store
Google Play

E fundit!

x

Berisha, sot në SPAK/ Opozita, në protestë

11 Shtator 2024, 07:33, Aktualitet CNA
Berisha, sot në SPAK/ Opozita, në protestë
Fotomontazh - Kreu i PD-së, Sali Berisha, në sfond SPAK-u

Kreu i PD-së, Sali Berisha dhe dhëndri i tij Jamarbër Malltezi, drejtues i Departamentit të Mjedisit në PD, do të paraqiten këtë të mërkurë në SPAK.

Raportohet se SPAK do t’u komunikojë atyre akuzat në lidhje me hetimin për ish-kompleksin "Partizani".

Berisha do të shkojë në SPAK në orën 12:00, ndërsa Malltezi në orën 14:00.

Në kohën kur do të paraqitet kreu i PD-së, në orën 12:00, para këtij institucioni do të zhvillohet një protestë nga opozita dhe mbështetësit e Berishës. Protesta është thirrur nga kreu i Grupit Parlamentar të PD-së, Gazment Bardhi.

Kujtojmë se që prej 30 dhjetorit, kryetari i PD-së ndodhet në arrest shtëpie.

Prokuroria e Posaçme e akuzon ish-kryeministrin për “Korrupsion pasiv të funksionarëve të lartë shtetërorë ose të zgjedhurve vendorë”, kryer në bashkëpunim me dhëndrin e tij, Jamarbër Malltezin.

SPAK pretendon se Berisha, në cilësinë e tij si Kryeministër, ka favorizuar procedurat e privatizimit të ish-kompleksit “Partizani” dhe përfitues i drejtpërdrejtë ka qenë Malltezi.

Malltezi akuzohet për "Korrupsion pasiv të funksionarëve të lartë shtetërorë ose të zgjedhurve vendorë”, kryer në bashkëpunim me Berishën./ CNA





Lajmet e fundit nga