web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi i gazetarit: Veliaj menaxhon në mënyrë abuzive 380 milionë euro në vit

10 Shtator 2024, 22:49, Aktualitet CNA
Denoncimi i gazetarit: Veliaj menaxhon në mënyrë abuzive 380
Gazetari Julian Hoxhaj

Gazetari Julian Hoxhaj ka folur për aferat dhe abuzimet me paratë publike nga Bashkia Tiranë dhe kryetari Erion Veliaj.

I ftuar në emisionin e gazetarit Adi Krasta, gazetari Julian Hoxhaj tha se Veliaj menaxhon në mënyrë abuzive 380 milionë euro në vit.

Ndër të tjera ai theksoi dhe indiferencën e qytetarëve të cilët heshtin përballës vjedhjes që u bëhet parave dhe taksave të tyre.

“Në përgjithësi është e vërtetë. Kjo shfaqet në momente kur e sheh që qytetarët vidhen, abuzohen, pushteti ushtron mbi ta trysni forcë, u merr paratë nëpërmjet ryshfetit të drejtëpërdrejtë qoftë nëpërmjet rritjes së taksave, tarifave abuzive dhe qytetarët heshtin.

Ne jetojmë në një kryeqytet ku kostot e jetesës kanë arritur në pikën maksimale në pikën e vlimit ku nuk mban më ujë pilafi.

Jetojmë në një qytet ku 80% e familjeve nuk kanë hapësira çerdhe dhe kopshte publikë ku të çojnë fëmijët e tyre dhe detyrohen të paguajnë para ekstra për një shërbim që e kanë të drejtë kushtetuese për ta marrë dhe përsëri nuk e marrin. Dhe përsëri nuk ka reagim.

Në zonën e ‘Astirit’ nuk ka as kopshte as çerdhe dhe as shkolla. Ditën e djeshme Tirana ishte në kolaps për shkak të trafikut dhe e vetmja zonë që nuk kishte kolaps të trafikut ishte Astiri për shkak se këtu nuk ka shkolla.

Bashkia e Tiranës është bashkia më e madhe e vendit ku jeton 40% e popullsisë së Shqipërisë. Kemi të bëjmë me kryeqendrën e vendit dhe interesi publik dhe mediatik është i jashtëzakonshëm për një institucion që menaxhon rreth 380 milionë euro në vit. Denoncimet për Bashkinë e Tiranës janë të panumërta. Gjërat e mëdha prekin aferën e inceneratorëve, aferën 5D që i kemi denoncuar dhe jo vetëm, tendera publikë që jepen në mënyrë të dyshimtë dhe abuzive, shpërdorim i parave publike për para që shkojnë vetëm për interesa klienteliste të kryetarit të bashkisë”, tha Hoxhaj./ CNA





Lajmet e fundit nga