web counter
LEXO PA REKLAMA!

SHKARKO APP

App Store
Google Play

E fundit!

x

Jamarbër Malltezi merret i pandehur: Akuzat, gënjeshtra të trasha

11 Shtator 2024, 14:41, Aktualitet CNA
Jamarbër Malltezi merret i pandehur: Akuzat, gënjeshtra të trasha
Jamarbër Malltezi, dhëndri i ish-kryeministrit Sali Berisha dhe drejtuesi i Departamentit të Mjedisit në PD

Jamarbër Malltezi, dhëndri i ish-kryeministrit Sali Berisha dhe drejtuesi i Departamentit të Mjedisit në PD, është marrë i pandehur për dosjen “Partizani”.

Malltezit iu komunikua nga prokurorët e SPAK-ut akuza "Korrupsion pasiv i funksionarëve të lartë shtetërorë ose të zgjedhurve vendorë”, kryer në bashkëpunim.

Lajmin e konfirmoi vetë Malltezi në një prononcim për gazetarët, pas daljes së SPAK-ut.

Ai deklaroi se akuza e ngritur përmban gënjeshtra të trasha, ndërsa ngriti akuza se prokurorët kanë fshehur një vendim të dhënë nga kryeministri Edi Rama në vitin 2008.

“Prokurorë të Edi Ramës të tmerruar, nuk flisnin dot, nuk të shihnin dot në sy. Kanë dhënë një akuzë, e cila mban gënjeshtra të trasha. Gënjejnë kaq shumë këto prokurorë, janë afërmendsh shërbyes të qeverisë. Kanë gënjyer dhe janë për t'u keqardhur. Kush i bën të gënjejnë aq trashë, sa nuk vendosin planin e 2008, i firmosur nga Edi Rama. Njerëz që gënjejnë, thjesht duhen mëshiruar. Nga njëra kemi Ramën që nxjerr 4 VKM për të vjedhur pronën e pronarëve. Nga ana tjetër, kemi ndërtimin e çerdheve. Janë të njëjtat akuza. Jemi në situate afërmendsh. Aty nuk isha as 5 minuta, nuk pashë më shumë.”, theksoi Malltezi ndër të tjera./ CNA





Lajmet e fundit nga