web counter
LEXO PA REKLAMA!

SHKARKO APP

App Store
Google Play

E fundit!

x

Hasani, kërkesë ndërkombëtarëve/ “Shtoni përpjekjet për gratë afgane”

11 Shtator 2024, 10:41, Aktualitet CNA
Hasani, kërkesë ndërkombëtarëve/ “Shtoni
Ministri i Jashtëm, Igli Hasani

Në samitin e parë ndërkombëtar për gratë afgane, ministri i Jashtëm, Igli Hasani, bëri një kërkesë për ndërkombëtarët.

Hasani kërkoi që komuniteti ndërkombëtar të zgjerojë mbështetjen e tij dhe të amplifikojë përpjekjet për vajzat dhe gratë afgane.

Ministri deklaroi se vajzave dhe grave u duhet dhënë garanci se barazia gjinore nuk është një ëndërr e largët, por realitet i prekshëm.

“Regjimi taleban po përkeqëson situatën e përditshme në vend. Rrezikohet autonomia dhe ekzistenca e grave dhe vajzave afgane në shoqëri. Masat e talebanëve, diskriminim sistematik i bazuar në gjini. Vajzave dhe grave u ndalohet e drejta për të ndjekur arsimin e mesëm dhe të lartë.

Targetimi i grave jo i rastësishëm, ato janë pjesa më luftarake e shoqërisë njerëzore. Gratë afgane vijojnë të tregojnë një qëndresë dhe guxim të jashtëzakonshëm. Komuniteti ndërkombëtar të zgjerojë mbështetjen e tij dhe të amplifikojë përpjekjet. Ne duhet t’u ofrojmë atyre burimet, ekspertizën dhe solidaritetin që u nevojitet. T’i japim garanci se barazia gjinore nuk është një ëndërr e largët, por realitet i prekshëm. Përpjekjet tona rrezikojnë të dështojnë nëse nuk adresohen siç duhet”, tha Hasani.

Samiti për gratë afgane u mbajt për herë të parë në Tiranë, me organizimin e Ministrisë së Jashtme./ CNA





Lajmet e fundit nga