web counter
LEXO PA REKLAMA!

SHKARKO APP

App Store
Google Play

E fundit!

x

Samiti i grave të Afganistanit/ Ish-deputetja Kofi: Nuk do të sakrifikohemi

11 Shtator 2024, 10:23, Aktualitet CNA
Samiti i grave të Afganistanit/ Ish-deputetja Kofi: Nuk do të
Ish-deputetja afgane dhe aktivistja, Feuzia Kofi

Këtë të mërkurë është mbajtur në Tiranë samiti i parë i grave të Afganistanit.

Ish-deputetja afgane dhe aktivistja, Feuzia Kofi, tha se grave u janë hequr të drejtat.

Ajo deklaroi se gratë afgane nuk do të sakrifikohen, pavarësisht ligjeve që vendosin talebanët.

“Kanë kaluar 3 vite që vajzat tona nuk shkojnë në shkollë, që motrat tona nuk bëjnë detyrat nëpër zyra për shkak të ligjeve të ndryshme që janë vënë në zbatim. Grushti i fundit është ligji që u miratua para disa ditësh, u zbatua nga ministria përkatëse.

Frika e grave afgane është se duhet të mbajnë të veshur burkën. Gratë afgane nuk do të sakrifikohen, ne do të jemi kampionë të komuniteteve tona. Ne do të punojmë në komunitete të ndryshme”, u shpreh ajo.

Ish-deputetja dha edhe një mesazh për gratë.

“Lufta është luftë. Ne gjendemi para luftës. Ata janë përpjekur që ne të mos jemi të tilla, ju keni përgjegjësinë, ju duhet të punoni së bashku dhe ju duhet të kuptoni parimet, parimin e bashkëpunimit. Duke pasur mentalitete të ndryshme, këndvështrime të ndryshme, pikëpamje të ndryshme, përsëri duhet të kemi një opinion dhe ide të përbashkët dhe duhet të reflektojmë. Kjo është një kërkesë që bëhet për të na respektuar ne që jetojmë në Afganistan”, deklaroi Feuzia Kofi./ CNA





Lajmet e fundit nga