E fundit!

17:12 Kosova & Bota

Deputeti shqiptar në Parlamentin e Serbisë: Do të inicioj kërkesën për shkarkimin e ministres Paunoviç

Deputeti shqiptar në Parlamentin e Serbisë, Shaip Kamberi ...

Berisha dhe Malltezi ankimojnë masat e sigurisë/ “Janë të paligjshme”

13 Shtator 2024, 13:01, Aktualitet CNA

]

Berisha dhe Malltezi ankimojnë masat e sigurisë/ “Janë

Jamarbër Malltezi

Një ditë pasi iu komunikua akuza, Jamarbër Malltezi u paraqit në Apelin e Posaçëm për të ankimuar masën e sigurisë, arrest shtëpie. Ai tha se masa është e pavlefshme, ndërsa argumentoi ankimin e tij.

“Lista numër 1 e armiqve të komunistëve janë 3 veta nga familja Begeja, pronarë. Edhe në atë kohë si tani ishin shpallur armiq të komunistëve. Edhe sot në të njëjtën situatë jemi. Jemi armiq të komunistëve dhe jemi krenarë për këtë gjë.

Sot ishim në Apel për diligjencën e 4 dymujore të cilën gjyqtarja me tre mbiemra e ka dërguar me 1 muaj vonesë, sipas urdhrave. Në 4 diligjenca nuk ka asnjë fjalë për Sali Berishën, nuk del askund, zero, zero, zero.

Pavarësisht se prokurorja politike thotë nuk ka ndryshuar asgjë. Çfarë do të ndryshoje, vetëm kur të dojë Edi Rama. Kjo është diçka e re që u nxor sot për gjykatën.

Jemi në situatën ku masat ndaj Sali Berishës janë të paligjshme, ose janë të pavlefshme. Masat që u morën për kufizimin e lëvizjes, në rast se janë kufizim lirie janë të paligjshme, sepse nuk shkuan në parlament. SPAK futi në këtë afërmendsh, thotë se nuk janë kufizim lirie. Por më pas nuk e ka zbatuar si jo kufizim lirie, por si kufizim lirie, e ka zbatuar menjëherë, ndërkohë që ligji ia kërkon pasi të marrë formë të prerë, pra është masë e pavlefshme”, tha Jamarbër Malltezi gjatë deklaratës për mediat.

Po ashtu në Apelin e GJKKO janë paraqitur edhe avokatët përfaqësues të kreut të PD-së, Sali Berisha.

Malltezi dhe Berisha u morën të pandehur nga SPAK-u dy ditë më parë, lidhur me hetimet për privatizimin e ish-kompleksit "Partizani”. Ata akuzohen për veprën penale “korrupsion pasiv kryer në bashkëpunim”./ CNA