web counter
LEXO PA REKLAMA!

SHKARKO APP

App Store
Google Play

E fundit!

x

Kush është Ilir Proda/ Dy operacionet e bujshme

30 Shtator 2024, 19:23, Aktualitet CNA
Kush është Ilir Proda/ Dy operacionet e bujshme
Fotomontazh - Ilir Proda

Ilir Proda pritet të miratohet në mbledhjen e Këshillit të Ministrave si drejtor i ri i Policisë së Shtetit.

Emri i tij është propozuar këtë të hënë nga kryeministrit Edi Rama.

Proda, i cili ka mbajtur disa poste të larta, ka punuar për rreth 19 vite në radhët e policisë.

Gjatë karrierës së tij, ai mbahet mend për dy operacione të bujshme.

Njëri prej tyre është arrestimi i Nuredin Dumanit. Proda ishte një nga iniciuesit dhe organizatorët e arrestimit Dumanit, i cili u kthye në të penduar të drejtësisë dhe rrëfeu krime të mëdha.

Gjithashtu, ai njihet si një ndër drejtuesit e Policisë që ktheu në të penduar të drejtësisë edhe Artan (Marjus) Tafanin.

Edhe Tafani, ndihmoi efektivët që të zbardheshin 6 vrasje me rrëfimet e tij.

Ai ka iniciuar edhe operacione të tjera, por gjithashtu është vënë në piketimin e SPAK-ut gjatë hetimit për dekonspirimin e operacionit “Çopja” në Elbasan.

Megjithatë, pas verifikimit ai rezultoi i pastër dhe iu konfirmua kandidatura për drejtor të Policisë së Shtetit.

Postet që ka mbajtur:

- Gusht 2005-Nëntor 2011, specialist i policisë kriminale, Komisariati Nr.3 Tiranë.

- Nëntor 2011-Mars 2012, specialist i policisë kriminale, Komisariati Nr.4 Tiranë.

- Mars 2012-Qershor 2013, specialist i policisë kriminale, drejtoria e Përgjithshme e Policisë së Shtetit.

- Qershor 2013-Tetor 2013, specialist i policisë kriminale në Lezhë.

- Tetor 2013-Dhjetor 2014, Shef i Komisariatit Nr. 2 Tiranë.

-  Dhjetor 2014-Shkurt 2016, Shef i Komisariatit Bulqizë.

- Shkurt 2016-Maj 2017, Seksioni për hetimin e narkotikëve në Drejtorinë e Përgjithshme të Policisë së Shtetit.

- Maj 2017-Korrik 2019, Drejtoria e Përgjithshme, Njësia për hetimin e krimeve kundër personit dhe pasurisë

- Korrik 2019-Tetor 2021, Zv/Drejtor për hetimin e krimit në Korçë

- Tetor 2021-Mars 2023, Zv/Drejtor për hetimin e krimeve në Elbasan

- Mars 2023 dhe në vijim, Drejtor i Drejtorisë Vendore i Policisë së Elbasanit./ CNA





Lajmet e fundit nga