web counter
LEXO PA REKLAMA!

SHKARKO APP

App Store
Google Play

E fundit!

x

Opozita i vë zjarrin Kuvendit/ Hoxha: Kallëzim në SPAK për ekzekutorët e dhunës

1 Tetor 2024, 13:24, Aktualitet CNA

Opozita i vë zjarrin Kuvendit/ Hoxha: Kallëzim në SPAK për

Një ditë më parë, seanca parlamentare u shoqërua me dhunë dhe kaos për shkak të ngritjes së deputetëve të opozitës kundër mazhorancës.

Policia ka referuar materialet në SPAK për veprat penale shkatërrim i pronës me zjarr si dhe goditje për shkak të detyrës.

Ministri i Brendshëm, Ervin Hoxha, në reagimin e tij thekson se shkatërrimi me zjarr i pronës publike, për të kërcënuar deputetët dhe nxitur dhunë në vazhdim, përbëjnë jo vetëm vepra penale të njëpasnjëshme, po edhe një shfaqje të plotë agresioni antidemokratik.

Hoxha nënvizon se Policia e Shtetit dhe Garda e Republikës kanë kryer menjëherë të gjitha veprimet procedurale, duke analizuar imtësisht vendngjarjen, administruar pamjet filmike dhe çdo element tjetër me interes për hetimin.

E gjithë ngjarja së bashku me nxitësit dhe ekzekutorët e dhunës, do të referohen në Prokurorinë e Posaçme (SPAK), për shkak të cilësive të veçanta që mbartin deputetët, si kategori e juridiksionit të kësaj prokurorie.

“Zjarrvënia e qëllimtë pasditen e djeshme, në dyert e institucionit më të lartë kushtetues të Republikës së Shqipërisë, Kuvendit të Shqipërisë, është jo vetëm një akt i dënueshëm nga Kodi Penal, po edhe një akt i pajustifikueshëm në çdo aspekt, i cili risjell në sytë e opinionit publik vendas e ndërkombëtar, momentet më të zeza të historisë së parlamentarizmit në Europën e të shkuarës, kur forcat më kriminale antidemokratike i vunë zjarrin tempullit të demokracisë.

Pengimi i ushtrimit të funksioneve kushtetuese

Heqja me dhunë e të drejtës së fjalës

Goditja për shkak të detyrës

Vënia në rrezik e integritetit fizik të deputetëve dhe vetë kryeparlamentares përmes gjuajtjes me mjete të forta që mund të shkaktonin pasoja ekstreme

Shkatërrimi me zjarr i pronës publike, për të kërcënuar deputetët dhe nxitur dhunë në vazhdim, përbëjnë jo vetëm vepra penale të njëpasnjëshme po edhe një shfaqje të plotë agresioni antidemokratik.

E gjithë ajo shfaqje dhune e ktheu territorin e Kuvendit të Shqipërisë në një vendngjarje për organet ligjzbatuese.

Policia e Shtetit dhe Garda e Republikës kanë kryer menjëherë të gjitha veprimet procedurale, duke analizuar imtësisht vendngjarjen, administruar pamjet filmike dhe çdo element tjetër me interes për hetimin. E gjithë ngjarja së bashku me nxitësit dhe ekzekutorët e dhunës, do të referohen në Prokurorinë e Posaçme (SPAK), për shkak të cilësive të veçanta që mbartin deputetët, si kategori e juridiksionit të kësaj prokurorie”, shkruan Hoxha./ CNA





Lajmet e fundit nga