web counter
LEXO PA REKLAMA!

SHKARKO APP

App Store
Google Play

Deklaratat e ambasadës së SHBA-së dhe BE-së/ Berisha, sërish në mbrojtje të Salianjit

1 Tetor 2024, 13:31, Aktualitet CNA
Deklaratat e ambasadës së SHBA-së dhe BE-së/ Berisha,
Sali Berisha kreu i PD

Ambasada e SHBA dhe ambasadori i BE-së, Silvio Gonzato, dënuan dhunën e ushtruar një ditë më parë në Kuvendin e Shqipërisë nga opozita e cila ka nisur aksionin pas burgosjes së deputetit Ervin Salianji për kallëzim të rremë.

Pas reagimit të dy ambasadave, kreu i PD-së, Sali Berisha, ka mbrojtur sërish Ervin Salianjin duke thënë se dënimi i tij është një aktakuzë ndaj të gjithë atyre që mbrojnë narkoregjimin e Ramës.

“Unë shpreh qëndrimin tim. Në këtë rast theksoj se ditët dhe vitet në burg të Ervin Salianjit janë një aktakuzë ndaj të gjithë atyre që mbrojnë narkoregjimin e Edi Ramës.

Se për çdo njeri të lirë, vitet rinore në burg të një deputeti, pas ekzekutimit të tij, janë gjëja më e rëndë që mund të ndodhë në një vend.

Por në këtë rast, përgjigjija ime është kjo: Ervin Salianji pati kurajën qytetare, pati përgjegjësinë politike të denoncojë me dokumente, me regjistrime të gazetarëve investigativë se vëllai i Fatmir Xhafajt, i dënuar në Itali për trafik ndërkombëtar droge si një rrezik për rendin dhe sigurinë e republikës italiane, jo vetëm që nuk ekstradohej, jo vetëm që fshihej në Vlorë, por trafikonte tonelata drogë nën mburojën e vëllait të tij ministër.

Unë besoj se denoncimi i Ervin Salianjit nuk ishte vetëm në interesin e shqiptarëve, por ishte edhe në interesin e qytetarëve të vendit fqinj, Italisë.

E vërteta është se pas këtij denoncimi të Ervin Salianjit, Geron Xhafa u paketua dhe u ekstradua në orën 6:00 të mëngjesit të asaj dite në burgjet e Italisë.

Pra, Ervin Salianji bëri një detyrë jo vetëm ndaj shqiptarëve, por edhe ndaj partnerëve dhe miqve tanë përtej detit.

Ervin Salianji bëri një detyrë edhe ndaj partnerëve tanë përtej oqeanit, atyre që besojnë se shteti ligjor është jetik për një demokraci.

Atyre që besojnë luftë kundër krimit të organizuar dhe drogës është vendimtare për ligjin, rendin dhe zhvillimin.

Natyrisht nuk bëhet fjalë për ata që ndërmorën grushtin e shtetit kundër opozitës shqiptare”, tha Berisha.





Lajmet e fundit nga