web counter
LEXO PA REKLAMA!

SHKARKO APP

App Store
Google Play

E fundit!

x

Shpallet vakanca në Gjykatën Kushtetuese/ Kuvendi hap aplikimet

1 Tetor 2024, 18:06, Aktualitet CNA
Shpallet vakanca në Gjykatën Kushtetuese/ Kuvendi hap aplikimet
Gjykata Kushtetuese

Parlamenti ka shpallur vakancën në Gjykatën Kushtetuese, të krijuar pas dorëheqjes së gjyqtares Elsa Toska.

Këtë të martë janë hapur aplikimet për vendin vakant. Afati i aplikimeve është deri në datën 28 tetor 2024.

Kujtojmë se Elsa Toska dha dorëheqjen rreth dy javë më parë, për arsye që nuk u bënë të ditura.

Këtë post ajo e mbante që prej nëntorit të 2019-ës.

Njoftimi i Kuvendit: 

Kuvendi i Republikës së Shqipërisë, pasi u njoh me vendimin nr. 62, datë 23.09.2024, të Gjykatës Kushtetuese, për mbarimin përpara afatit të mandatit të gjyqtares së Gjykatës Kushtetuese, znj. Elsa Toska, bazuar në nenet 125, 127, pika 1, shkronja “c” dhe pika 3, të Kushtetutës së Republikës së Shqipërisë, si dhe nenet 7, pika 1, 7/c dhe 8, pika 3, të ligjit nr. 8577, datë 10.2.2000 “Për organizimin dhe funksionimin e Gjykatës Kushtetuese të Republikës së Shqipërisë”, të ndryshuar.

Shpall hapjen e procedurës së aplikimit për vendin vakant, mandat plotësues, për 1(një) anëtar të Gjykatës Kushtetuese, me qëllim plotësimin e vakancës të krijuar për shkak të deklarimit të mbarimit përpara afatit të mandatit të gjyqtares Znj. Elsa Toska, i cili përfundon më datën 14.11.2028, referuar Vendimit të Kuvendit nr. 133/2019 “ Për zgjedhjen e zonjës Elsa Toska, anëtare të Gjykatës Kushtetuese”./ CNA





Lajmet e fundit nga