web counter
LEXO PA REKLAMA!

SHKARKO APP

App Store
Google Play

E fundit!

x

'Kodi mafioz' i medias shqiptare

20 Nëntor 2022, 15:41, Opinione CNA
'Kodi mafioz' i medias shqiptare
Foto-montazh, Vjollca Hoxha, Irfan Hysenbelliu dhe Carlo Bollino

Mafia ka kodin e heshtjes. Kjo është e shkruar, e investiguar, por edhe e deklaruar nga vetë kapo mafiet e njohur ndër dekada.

Fatkeqësisht në të tillë standart është edhe media shqiptare. Pavarësisht problematikave të shumta, pavarësisht keqpërdorimit, akuzave të padrejta të Ramës për ta quajtur kazan apo të keqpërdorur apo palëve politike që duan ta kenë nën thundër që të jetë sa më shumë zëri i interesave të tyre politikë, media shqiptare ka dhe një kod, një kod heshtje që njihet si "kod mafioz".

Mund të shohim një pas një rastet e shumta të këtij kodi heshtje. Pronarët e mediave nuk flasin për njëri-tjetrin, për bëmat dhe gjëmat e tyre.

Nuk flisnin dhe nuk shkruan për Ylli Ndroqin, Xhemail Pasmaxhiun, një trafikant droge të cilit tashmë iu sekuestruan pasuritë, i akuzuar nga gjykata me dokumenta nga Italia dhe nga Turqia.

Nuk folën kurrë. Ai ishte pronar mediash me emër të ndryshuar. Do të mjaftonte që mediat të kishin thënë të vërtetën, televizionet, Ylli nuk do të ishte më pronar televizioni sepse AMA, do të dorëzonte  një certifikate, një dëshmi penaliteti dhe ai nuk mund të ketë një të tillë me emrin Ylli Ndroqi, pasi është me gjeneralitete të ndryshuar. Xhemail Pasmaxhiu është arrestuar në Turqi.

'Kodi mafioz' i medias shqiptare
Ylli Ndroqi, foto ilustruese

Ky është fakt dhe është arratisur. Mediat nuk e thanë. Heshtën. Heshti Top Channel, heshti Klani, heshti News 24, heshti Carlo Bollino e kështu me radhë. Mediat shqiptare heshtin për Carlo Bollinon e Report Tv, që merr koncensione nga qeveria shqiptare. Bunker, tunele, flet vetëm opozita dhe akuzon për lidhje me biznese me para se si Carlo Bollino po bëhet i artë në Shqipëri nëpërmjet medias, si shet e blen televizone, si i ndërton ato, fiton reklama, ndërton godina miliona euro e të tjera si këto.

Askush nuk ja shikon burimet këtij “italiani të shqiptarizuar”, që i ka shërbyer si kamikaz të majtës politike dhe qeverisë së sotme në pushtet, mediat nuk flasin. Kodi i heshtjes vazhdon, edhe për Carlon, bëmat e tij dhe qasjen që ka ndaj politikës pa folur më tej se si është përdorur kundër së djathtës sistematikisht në Shqipëri.

'Kodi mafioz' i medias shqiptare
Carlo Bollino, gazetar

Le të shkojmë më tej tek paratë e inceneratorëve, tek Vjollca Hoxha tek Top Channel tek ortakëria e saj.

Tek marrja e 2.2 milionë euro për të shitur 51 % të Valtelina sh.p.k, mbajtjes së brandit Lori Caffe. Dhe kthimin sërish të aksioneve pa kthyer asnjë qindrakë. Këto para të marra nga inceneratorët nga afera e tyre e quajtur skandali i shekullit me 480 milionë euro kontrata të firmosura koncensionare të cilat, kanë mundur që në pak vite të marrin ndoshta  rreth 100 milionë euro taksat e qytetarëve të varfër shqiptarë.

50 milionë për ndërtimin e inceneratorëve në Fier dhe Elbasan. Në Fier nuk punon, dhe në Elbasan ka një kosto tepër të lartë për tu përdorur, ndryshe quhet një kazan me naftë dhe në Tiranë ku s’ka incenerator fare.

Ortakëritë e Vjollca Hoxhës dhe propaganda e Top Channel ishte e turpshme, e pështirë, duke shkuar deri në beteja me qeverinë për mbetjet e Durrësit që të krijonte klimën për kalimin e këtyre mbetjeve të qytetit në Tiranë, që inceneratorëve t’iu rriteshin të ardhurat.

'Kodi mafioz' i medias shqiptare

Heshtje kriminale, "mafioze" e të gjitha mediave, për kostot e rritura të ndërtimeve në qytet, rreth 15 eruo për metër katrorë është rritja që ka pësuar çdo banesë sipas ndërtuesve thjesht dhe vetëm nga landiflli i Tiranës dhe transportimi i dherave apo marrja që atje. Janë rreth 4 milionë metra katrorë ndërtime të dhëna nga kryebashkiaku Erion Veliaj. Mjafton t’i shumëzoni dhe kostot e qytetarëve, janë rreth 60 milionë euro.

Diferenca e çmimeve me  ato që kanë përfituar pronarët e inceneratorëve, ortakët e Vjollca Hoxhës është mjaft e madhe, pra theksuam 100 milionë euro të marra nga shteti. Por askush nuk thotë milionat e eurove të marra nga privati.

Një tjetër "kod mafioz", një tjetër heshtje edhe për Irfan Hysenbelliun, e News 24 e Fokus Grupit.

'Kodi mafioz' i medias shqiptare
Irfan Hysenbelliu

Televizioni i tij ka marrë qindra mijëra euro dhe ky nga inceneratorët. Përfshihet në leje ndërtimi skandaloze, ndërton 8 kate pa leje dhe i legalizon. Ndërton pishina pa leje dhe bllokon detin dhe askush nuk flet. Gllabëron festat, e qytetarëve siç është rasti i “Festës Së Birrës” në Korçë, i personalizon ato dhe askush nuk flet. Mediat heshtin.

Shkojmë më tej, tek Tv Klan. Aty ku për ato më sipër nuk është folur. Ruhet një kod heshtje. Një kod heshtje që e kanë dhe shumë portale afër qeverisë apo afër opozitës.

Një "kod mafioz" i përdorur dhe keqpërdorur dhe nga Lulzim Basha, por ky ka pak rëndësi apo dhe Ilir Meta por kjo pak rëndësi. Thelbi ështe tek mediat. Pushteti i katërt me "kod mafioz" është një nga plagët më të mëdha që ka Shqipëria pasi ata heshtin për zullumet e njëri-tjetrit, e zullumet e tyre i stimulon qeveria për t’i pasur nën këmbë për t’i keqpërdorur, për t’i shkelmuar sa herë ata e meritojnë.

Dhe në fakt çdo lloj qeverie do t’i shkelmonte, do t’i akuzonte që nga i pari tek i fundit jo vetëm dhe thjesht për "kodin mafioz" por për skandalet e tyre për mospagimet e taksave të tyre për abuzimet e tyre për klientelizmin e tyre, për lugën e çorbës që hanë çdo ditë dhe e vjellin pa ndalim mbi kurrizin e shqiptarëve. "Kodi mafioz" i medias i asaj që kryeministri e quan kazan është shumë herë më tepër një peshë mbi supet e Shqipërisë së varfër, sepse misioni i tyre duhet të ishte i vërtetë dhe jo me "kode mafioze", por në betejë me interesat e qytetarëve dhe heshtjen e tyre, ata kanë thjesht dhe vetëm një betejë, të mbushin xhepat e tyre me klientelizëm, me pushtetin.

Për njëri-tjetrin heshtin e kështu ecin përpara. Heshtin edhe për qeverinë, kur marrin llokmat e pushtetit e sulmojnë atë kur nuk u japin kockën që duan. Media me "kod mafioz" që leh kur nuk i japin kockën e hesht kur merr llokmën./ CNA.al

 





11:20 Opinione Luçiano Boçi

Erdhi dita!

Dita e shumëpritur erdhi! Është ditë shprese e jete. Ditë ...

Lajmet e fundit nga