web counter
LEXO PA REKLAMA!

SHKARKO APP

App Store
Google Play

E fundit!

x

Pas Irfanit, Rama paralajmëron milionerët/ E kam personale, s’lejoj më ndërtime pa leje

7 Shtator 2022, 17:01, Politikë CNA
Pas Irfanit, Rama paralajmëron milionerët/ E kam personale,
Kryeministri Edi Rama

Pas aksionit IKMT-së për shembjen e pishinave pa leje në resortin “Prestige” të Irfan Hysenbelliut, kryeministri Edi Rama ka hdënë një mesazh për të gjithë milionerët.

Në një takim me drejtuesit e rinj të policisë, Rama tha se nuk do të lejojë më që milionerët të ndërtojjnë kate pa leje.

Ai theksoi se betejën me ndërtimet e ka personale, ndonëse nuk preferoi të përmendë emra konkretë.

“Zbatimin në territor e bën trupa e ngarkuar atje që të mbulojë territorin, kemi vite tanimë që këtë aspekt e mbulon Policia e Shtetit, ky operacion duhet të jetë i dhimbshëm për milionerët që bëjnë karshillëkun më të madh, këta janë ata që njerëzve u thuhet se ndajnë katet me mua, e kam dhe personale këtë betejë, s’dua të përmend emra këtu, asnjë emër nuk ka rëndësi, dua që ky operacion të bëjë që askush të mos mendojë se mund të ndërtojë pa leje më, sepse do tu hyjë ca halleve që nuk e imagjinon”, theksoi kreu i qeverisë ndër të tjera.

Pjesë nga deklarata e Ramës:

Këtu do tu bëj thirrje ndërtuesve që janë përfshirë në këtë çorbë që të mos tentojnë të përdorin as blerësit e atyre apartamenteve apo hoteleve, nuk po flasim për qytetarët e fshatarët që ngrenë avllinë, po për milionerë që hapen majtas e djathtas. Shemben ose konfiskohen për shërbim publik. Sot në vendimin e qeverisë ju kemi dhënë të drejtën e parablerjes me çmimin real të tregut, jo me atë që shkojnë deklarojnë atje. Ashtu sikurse u kemi dhënë mundësinë ta dhurojnë si një mënyrë për të larë një pjesë të mëkatit.

Çdo lekë që do të mblidhet nga parablerja e mundshme, se mund të thonë që e kemi shitur, bleje, se do e blesh nga populli, do të të shkojë shtrenjtë, por do paguash gjobë e do përballesh me ligjin. Nëse këta shkelës milionerë përdorin gjykatës të korruptuar, siç ka ndodhur me disa raste që janë skandaloze, do bllokojnë veten e tyre, çdo derë të këtij shteti dhe do shuhen si aktorë ekonomikë. Do kenë pasoja shumë më të rënda se këto metrat katrorë, që s’ju takojnë fare. Korrupto këtej e andej dhe në fund futi një legalizim lekëve të fituara. S’do ketë më kurrë legalizim të metrave katrorë për qëllime fitimi. Ato që janë në ndërtim e sipër vetëm shemben ose konfiskohen. AMP të hapë hetimet. Të gjitha metrat e marra tregojnë se del një pallat i tërë i ndërtuar pa leje. Nuk ka sesi.

Zbatimin në territor e bën trupa e ngarkuar atje që të mbulojë territorin, kemi vite tanimë që këtë aspekt e mbulon Policia e Shtetit, ky operacion duhet të jetë i dhimbshëm për milionerët që bëjnë karshillëkun më të madh, këta janë ata që njerëzve u thuhet se ndajnë katet me mua, e kam dhe personale këtë betejë, s’dua të përmend emra këtu, asnjë emër nuk ka rëndësi, dua që ky operacion të bëjë që askush të mos mendojë se mund të ndërtojë pa leje më, sepse do tu hyjë ca halleve që nuk e imagjinon./ B.A. - CNA.al





Lajmet e fundit nga