web counter
LEXO PA REKLAMA!

SHKARKO APP

App Store
Google Play

E fundit!

x

Dy satelitë në hapësirë/ Këlliçi: Aventura 3-vjeçare do t'u kushtojë shqiptarëve 6 milionë dollarë

7 Shtator 2022, 12:30, Politikë CNA

Deputeti i Partisë Demokratike, Belind Këlliçi, ka reaguar në lidhje me nismën e qeverisë për të çuar dy satelitë në hapësirë.

Përmes një postimi në ‘Facebook’, Këlliçi thekson se kjo aventurë 3-vjeçare do t'u kushtojë shqiptarëve 6 milionë dollarë ose 671 760 000 lekë.

Këlliçi thekson se ‘aventurat e çmenduritë e Ramës nuk mbarojnë me kaq, pasi 4 milionë euro të tjera do t’i shkojnë kopshtit në oborrin e kryeministrisë'.

REAGIMI I KËLLIÇIT:

Pëllumbat e Ramës në orbitën e Tokës

Thuajse një vit më parë Rama deklaroi se në muajin mars do t’i lëshojë dy satelitë në hapësirë!

Shqiptarët prisnin të dëgjonin nga Rama diçka për rritjen e rrogave dhe pensioneve, uljen e inflacionit dhe të çmimeve, po për këto qeveria nuk ka para. 9 vjet që thotë bëni durim…

6 milionë dollarë ose 671 760 000 lekë do t’i kushtojë shqiptarëve kjo aventurë 3-vjeçare. Por aventurat e çmenduritë nuk mbarojnë me kaq. 4 milionë euro të tjera do t’i shkojnë kopshtit në oborrin e kryeministrisë, që Edi Rama të pushojë prej sfilitjes së madhe e të planifikojë tenderin e radhës për çeljen e punimeve në Rrugën e Qumështit!

Një kryeministër mendërisht i shëndetshëm dhe i përgjegjshëm do t’i shpinte këto para tek qytetarët, por Edi Rama nuk jep. Ai vetëm merr, si të gjithë narcistët.

Sipas Kontrollit të Lartë të Shtetit, ky kryeministër i ka bërë 230 milionë euro dëm shqiptarëve. Mirëpo këtu nuk ka drejtësi, se po të kishte do e shihnit me tuta sporti duke u ajrosur me Saimir Tahirin./CNA.al





Lajmet e fundit nga