E fundit!

19:13 Aktualitet

Jorida Tabakun e merr malli për Erion Veliajn

Deputetja e Partisë Demokratike, Jorida Tabaku duket se e ...

"Show" me reformën territoriale/ Nga nisja e mbledhjes me vonesë, te replikat

7 Shtator 2022, 10:09, Politikë CNA

"Show" me reformën territoriale/ Nga nisja e mbledhjes me

Komisioni i Reformës Territoriale ka nisur me debate dhe përplasje mes përfaqësuesve të opozitës dhe mazhorancës.

Dy bashkëkryetaret, Anila Denaj dhe Dhurata Çupi, kanë replikuar me njëra-tjetrën, për shkak se mbledhja ka nisur 30 minuta me vonesë.

Mbledhja ka vijuar me deklaratën e kreut të Bashkisë Lezhë, Pjerin Ndreu, ndërsa ka folur për punën që ka bërë në bashkinë që ai drejton, ka evidentuar edhe mangësi.

“Nëse strukturën e mbingarkon, duke e kthyer bashkinë në një bashki ku jepen rroga dhe jo shërbime, normalisht që do të ketë defekte. Pra, nuk është çështje ndarje parcelash, por çështje menaxhimi”, është shprehur ai.

Nga ana tjetër, ish-kreu i PD-së në Mallakastër, Agron Kapllanaj, kërkoi që kryeministri apo qeveria të mos ndikojë më në preferencat e kryeministrit.

“Mendoj se duhet ndërhyrë që të gjitha njësitë të jenë të përfaqësuar nga Këshilltarë me ligj”, ka thënë Kapllanaj.

Replikat Denaj-Çupi

Anila Denaj: Nuk kemi debat për radhën, por është e rëndë që opozita s'ka prezencë sot, janë bosh karriget e anëtarëve të opozitës. Ky komision duhet të niste në 09:00 e nisi me vonesë, pasi s’ka asnjë deputet të opozitës.

Dhurata Çupi: Jemi këtu për të dëgjuar kryetarët e bashkive.

Anila Denaj: Po duhet të ishte opozita ta dëgjonte, që nuk është dhe nuk po i përfaqëson qytetarët. Edhe pse opozita e ka kërkuar këtë komision, karriget janë bosh.

Dhurata Çupi: Duhet të ishte dhe kryetari i bashkisë. Të ishte aty.

Anila Denaj: Bashkia e Tiranës është e përfaqësuar. Respektojmë njëri-tjetrin kur marrim fjalën. Është debat i panevojshëm.

Dhurata Çupi: Është shumë i nevojshëm.

Anila Denaj: Pa emocione. Opozita duhet të ishte këtu për t’i dhënë rëndësinë.

Dhurata Çupi: Dilni në media dhe jepni deklarata fundore dhe më pas kërkoni mbushje karrigesh. Mos jepni deklarata ndërsa këtu nuk vjen kryetari i bashkisë.

Anila Denaj: Ju lutem ruani qetësinë./CNA.al