web counter
LEXO PA REKLAMA!

SHKARKO APP

App Store
Google Play

Ristani zbardh lëvizjet e Ramës/ “Po përgatit projektligj për të shkarkuar vetë gjyqtarët"

6 Shtator 2022, 20:04, Politikë CNA
Ristani zbardh lëvizjet e Ramës/ “Po përgatit projektligj
Anëtari i Këshillit Kombëtar të PD-së, Arben Ristani

Anëtari i Këshillit Kombëtar të PD-së, Arben Ristani, ka deklaruar se kryeministri Edi Rama po përgatit një projektligj që të marrë vetë vendime për të shkarkuar gjyqtarët që nuk i pëlqejnë atij.

Sipas Ristanit, kjo është linja me të cilën ka vepruar Edi Rama në kapjen e drejtësisë.

 ‘Të pezullosh menjëherë automatikisht gjyqtarin nga detyra, sepse qeveria e konsideron vendimin si të pabazuar në ligj. Sipas projektit duhet ta ndante Këshilli i Lartë Gjyqësor, por iniciativën e merrte qeveria nëpërmjet Ministrisë së Drejtësisë.

Gjithsesi, vërtetë KLGJ, nuk është një mekanizëm i dhënies së drejtësisë, por i menaxhimit të saj. Dhënien e drejtësisë e bëjnë gjykatat, sipas shkallëve të tyre. Kjo mënyrë e të vepruari që shkon në të gjithë linjën siç ka vepruar Rama në kapjen e drejtësisë, në funksion të pushtetit ishte një alarm shumë i madh, që nuk mund të mos merrej në konsideratë nga opozita për ta goditur dhe për të ndërgjegjësuar shqiptarët, që vazhdojnë te projektohen masa dhe ligje që duan të shembin sistemin demokratik shqiptar në shërbim të totalitarizmit.

Brenda kësaj ka shumë elementë të tjerë, por kryesori është humbja e pavarësisë së gjyqësorit, sepse një nga shtyllat ku mbahet demokracia është pavarësia e gjyqësorit si pushtet i pavarur’, tha ndër të tjera, Arben Ristani./ CNA.al





Lajmet e fundit nga