web counter
LEXO PA REKLAMA!

SHKARKO APP

App Store
Google Play

E fundit!

x

Meta kërcënon sërish Ramën/ Do ta palos, e njoh mirë

5 Shtator 2022, 20:02, Politikë CNA
Meta kërcënon sërish Ramën/ Do ta palos, e njoh mirë
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, ka vijuar me kërcënimet ndaj kryeministrit Edi Rama, gjatë një takimi me strukturat e PL-së në Berat.

Teksa para pak ditësh paralajmëroi se do t’i shkulë dhëmbët dhe dhëmballët, sot Meta tha se do ta palosë Edi Ramën.

Ish-presidenti deklaroi se pavarësisht se kreu i qeverisë duket i gjatë, ai e njeh mirë.

“Tani është koha, t’ia marrim të gjitha pushtetet Edi Ramës dhe t’ia kthejmë popullit duke i garantuar mundësinë të ushtrojë referendumin. Sa herë të dojë populli. Përmes referendumit populli do kontrollojë Kuvendin, Qeverinë, drejtësinë gjithçka ka të bëjë me interesat e tij sovrane dhe jetike.

Ne jemi parti e institucioneve, nuk do të kishte ndodhur kurrë që LSI do kishte dalë nga parlamenti. Ne do ta shembim Edi Ramën, do e palosim. Ju duket i gjatë ai juve po e njoh unë Edi Ramën.

Ne kemi nisur këtë sesion të ri me një projektligj me indeksimin e pagave, se kjo nuk ndodh prej vitesh.

Ky nuk do t’ja dijë se kujton se do hutojë opozitën me lojërat e tij, nuk do t’i lëmë Edi Ramës kohë dhe mundësi të vjedhë qytetarët e thjeshtë. Ne do të zbresim në çdo shesh beteje.  

Do jem para Parlamentit bashkë me ju dhe qytetarët shqiptarë, në mënyrë që të dëgjohet zëri tyre. ne do ta çojmë përpara këtë revolucion antikorrupsion", nënvizoi Meta./ B.A. – CNA.al





Lajmet e fundit nga