web counter
LEXO PA REKLAMA!

SHKARKO APP

App Store
Google Play

E fundit!

x

Kriza me çmimet dhe niveli i pagave/ Alarmohet Kryemadhi: Po largohen shqiptarët

5 Shtator 2022, 19:50, Politikë CNA
Kriza me çmimet dhe niveli i pagave/ Alarmohet Kryemadhi: Po largohen
Deputetja Monika Kryemadhi

Deputetja Monika Kryemadhi, ka hedhur akuza ndaj Qeverisë për rritjen e çmimeve dhe nivelin e pagave në vend.

Kryemadhi e cilëson skandaloz nivelin e pagave dhe pretendon se po i shtyn shqiptarët drejt largimit nga vendi.

Ajo thekson se është koha që paratë e shqiptarëve të mos i hanë inceneratorët dhe koncesionet.

Duke marrë shkas nga këto kushte ku ndodhemi, ajo deklaron se Partia e Lirisë ka depozituar sot në Kuvend projektligjin “Për Indeksimin e Pagës së Punonjësve dhe Nëpunësve në Republikën e Shqipërisë”.

“Gjatë 10 vjeçarit të qeverisë Rama çmimet janë rritur, ndërsa pagat kanë mbetur në vend.

Sot të gjithë shqiptarët e ndjejnë barrën e madhe të përballjes me koston e jetesës që rritet çdo ditë.

Ndaj, si deputetë të Partisë së Lirisë kemi depozituar sot në Kuvendin e Shqipërisë projektligjin “Për Indeksimin e Pagës së Punonjësve dhe Nëpunësve në Republikën e Shqipërisë”.

Niveli skandaloz i pagave në shkallë vendi, të cilat nuk janë indeksuar as për të kompensuar nivelin e inflacionit, i bën punëtorët e Shqipërisë më pak të motivuar për të punuar dhe i shtyn drejt emigracionit.

Refuzimi i indeksimit të pagave nga ana tjetër, thellon varfërinë në vend dhe shton problemet e rënda sociale dhe ekonomike që po përballet vendi.

Është koha që paratë e shqiptarëve të mos i hanë inceneratorët dhe koncesionet!

Partia e Lirisë e demonstroi sot vullnetin e saj për ta garantuar me ligj, duke realizuar çdo vit indeksimin e pagave të shqiptarëve, e së shpejti do të shohim vullnetin e parlamentarëve të tjerë”, shkruan deputetja./ B.A. – CNA.al





Lajmet e fundit nga