web counter
LEXO PA REKLAMA!

SHKARKO APP

App Store
Google Play

Fatmir Mediu rendit sfidat/ Detyrimet urgjente të Qeverisë

5 Shtator 2022, 19:31, Politikë CNA
Fatmir Mediu rendit sfidat/ Detyrimet urgjente të Qeverisë
Kryetari i Partisë Republikane, Fatmir Mediu

Në seancën e parë parlamentare të këtij sesioni të ri, kryetari i Partisë Republikane, Fatmir Mediu, renditi sfidat, me të cilat duhet të përballet qeveria.

Mediu tha nga foltorja se detyrim urgjent është garantimi i një reforme zgjedhore dhe reforme territoriale.

Ai deklaroi se Parlamenti duhet t’i kthehet funksionit të tij kushtetues dhe duhen marrë masa për krizën në vend.

“Sfidat politike qeverisëse, integruese dhe ato të qeverisë janë jashtëzakonisht të mëdha përballë gjithsecilit prej nesh. Shqipëria po jeton kohë të vështira. Pushteti dhe politika janë kthyer si qëllim në vetvete. Mendoj se kemi detyrim urgjent garantimin e një reforme zgjedhore që garanton zgjedhje të lira dhe të ndershme. Po ashtu garantimin dhe mundësinë për të zgjedhur dhe për tu zgjedhur gjithë shqiptarëve kudo që jetojnë. Një sfidë tjetër e rëndësishme është reforma territoriale. Pushteti lokal dhe financa duhet të jenë pranë qytetarëve, ata të vendosin. Parlamenti duhet t’i kthehet funksionit të tij kushtetues.

Korrupsioni dhe krimi janë kthyer në sistem dhe dominojnë jetën publike. Institucionet e rendisin Shqipërinë në vendet më të varfra dhe me korrupsionin më të lartë. Kemi edhe një krizë akoma më të rëndë dhe më të madhe, krizën e besimit të shoqërisë shqiptare, e cila reflektohet me largimin masiv të shqiptarëve. Kjo krizë po krijon një dëm të madh ekonomik, politik dhe social për gjithë Shqipërinë. Sot nuk ka dallim mes krimit dhe biznesit, me të mirës dhe të keqes, nuk ka dallim mes drejtësisë dhe padrejtësisë. Interesi i pushtetit dominon mbi interesin e shqiptarëve”, u shpreh ai./ B.A. – CNA.al





Lajmet e fundit nga