web counter
LEXO PA REKLAMA!

SHKARKO APP

App Store
Google Play

Sherret në PD rrezikojnë dështimin e Reformës Administrative

4 Shtator 2022, 20:10, Politikë CNA
Sherret në PD rrezikojnë dështimin e Reformës Administrative
Deputeti Enkelejd Alibeaj dhe ish-kryetari i PD-së, Lulzim Basha

Reforma Administrative, pra e thënë në gjuhën popullore, ajo e ndarjes së bashkive, duket se po shkon drejt dështimit.

E propozuar nga Lulzim Basha, së bashku me Reformën Zgjedhore, duket se shumë shpejt do të kemi një dështim të së parës.

Nga të dhënat zyrtare rezulton se Partia Socialiste ka shkuar me një projekt të qartë që ka të bëjë me numrin e qarqeve, por kjo ka të bëjë edhe me numrin e bashkive.

Socialistët kërkojnë një numër më të vogël të tyre, por dhe ndryshimin e qarqeve dhe kalimin në rajone.

Nga ana tjetër, duket se demokratët janë të ndarë. Lulzim Basha dhe të tijtë me skemën që pritet të paraqesin ditën e martë, pretendojnë të dërgojnë në komision 70-80 bashki, ndërsa ekspertët e PD-së zyrtare të Berishës, shpresojnë që duhet të ketë rreth 100 apo mbi 100 bashki.

Sherret në PD rrezikojnë dështimin e Reformës Administrative
Lulzim Basha

Pra, vetë palët brenda opozitës janë të paqartë se sa do të jetë numri i bashkive që duhet të ketë vendi, pa folur këtu për një qëndrim që ende nuk është dhënë zyrtarisht nga LSI-ja. Pra, sa do të jetë numri që do të paraqisë LSI-ja si shifër të saj për ndarjen e re territoriale.

Vetë opozita është e paqartë dhe nuk është në unison për një shifër të njëjtë dhe një ndarje unike territoriale, e cila mund ishte në disa opsione ofruar socialistëve dhe më pas të gjendej konsensusi për t’i dhënë një zgjidhje përfundimtare kësaj çështjeje.

Por sherrnajat e PD-së, qëndrimet e Alibeajt, Bashës, por edhe përplasjet brenda opozitës, duket se nuk i japin më dot zgjidhje Reformës Territoriale dhe duket se shumë shpejt komisioni i Reformës Administrativo-Territoriale të shkojë drejt dështimit./ CNA.al





Lajmet e fundit nga