web counter
LEXO PA REKLAMA!

SHKARKO APP

App Store
Google Play

E fundit!

x

‘Tradhti kombëtare’/ Harxhi tregon lidhjet, si Rama po i jep Vuçiçit portin e Durrësit

2 Shtator 2022, 20:28, Politikë CNA
‘Tradhti kombëtare’/ Harxhi tregon lidhjet, si Rama po i jep
Edith Harxhi

Anëtarja e Kryesisë së PD-së, Edith Harxhi, ka folur për "Ballkanin e Hapur", duke e konsideruar si një  iniciativë të dy liderëve, Rama dhe Vuçiç, të cilët kanë vetëm problemet e tyre personale për t'i fshehur apo për t'i përparuar.

Gjithashtu Harxhi u ndal edhe te porti i Durrësit duke e quajtur një aferë korruptive në të cilën është i përfshirë edhe presidenti serb Aleksandër Vuçiç, pasi është e njëjta kompani grupi Elmar i cili ka lënë përgjysmë punimet në lumin Danub në Beograd.

“'Ballkani i Hapur' është një iniciativë e dy liderëve të cilët kanë vetëm problemet e tyre personale për t'i fshehur apo për t'i përparuar. Porti i Durrësit është e njëjta kompani që ka lënë përgjysmë punimet në ishullin e lumit të Danubit në Beograd, grupi Elmar dhe mendoj se këto kanë lidhje. Arsyeja se përse vjen në Shqipëri e njëjta kompani grupi Elmar dhe Rama i jep një nga pikat më strategjike të vendit, është e lidhur me afera të ndryshme personale ku mendoj se është i përfshirë edhe Aleksandër Vuçiç në këtë rast përderisa është e njëjta kompani.

'Ballkani i Hapur' është thjesht një arsye për Ramën dhe Vuçiçin për ta hedhur në treg dhe për të mbuluar problemet e tyre të mëdha politike dhe ekonomike, korrupsion masiv të dy bashkë dhe në të njëjtën kohë propogandojnë nëpërmjet 'Ballkanit të Hapur' projekte fitimprurëse për ata të dy. Ky është një plan tradhtar dhe deklarata e sotme është tradhti kombëtare për mua”, tha Harxhi në "Syri TV"./CNA.al

 





Lajmet e fundit nga