web counter
LEXO PA REKLAMA!

SHKARKO APP

App Store
Google Play

E fundit!

x

Berisha s'ndal sulmet ndaj Ramës/ Solli batërdinë në Tiranë, shkatërroi me ligj zonën e mbrojtur

1 Shtator 2022, 20:09, Politikë CNA
Berisha s'ndal sulmet ndaj Ramës/ Solli batërdinë në
Kryetari i Partisë Demokratike, Sali Berisha, gjatë takimit me intelektualë

Kryetari i Partisë Demokratike, Sali Berisha, ka hedhur një sërë akuzash ndaj kryeministrit Edi Rama, teksa ka folur për ndërtimet, gjatë një takimi me intelektualë të fushave të ndryshme.

Berisha tha se batërdinë në Tiranë e solli kryeministri Edi Rama në kohën kur ka qenë kryebashkiak në kryeqytet.

Ish-kryeministri deklaroi se Rama kafshoi kryeqytetin për 11 vite dhe shkatërroi me ligj zonën e mbrojtur.

“U bënë ndërtimet socialiste, të cilat duhet pranuar, aspak të paraqitshme nga pikëpamja arkitekturore, por me urbanistikë rigoroze. Mes pallateve nuk ndërtoi kush. Ata erdhën me atë gjeometri.

Batërdia. Tirana njohu batërdinë me ardhjen e Edi Ramës në krye të bashkisë. U mor me bojatisjen dhe është gjë normale, por në 11 vite nuk bëri planin e qytetit. Në 11 vite e kafshoi qytetin, siç deshi krejtësisht mbi parime korruptive. Ai kishte një stil, gjithë javën rrinte në Pezë dhe dilte të shtunë e të diel, për t'ju thënë qytetarëve se po vdes në punë.

Në 4 vite ka rindërtuar 12 km rrugë, gjithsej. Tirana ka kilometra të paasfaltuara edhe sot. Gjatësia e rrugëve është disa mijëra kilometra në Tiranë. Bëri një gjë të mirë. Bëri një vendim qeverie për të shpallur zonë të mbrojtur, atë zonë që e meritonte të ishte e mbrojtur dhe më vonë do ti sulej me tërbim të shkatërronte këtë zonë. Nga 26 monumente kulture të shpallura, janë zhdukur dhe kanë ngelur 2-3 dhe ato presin kohën për t'u rrafshuar”, theksoi Berisha./ B.A. – CNA.al





Lajmet e fundit nga