web counter
LEXO PA REKLAMA!

SHKARKO APP

App Store
Google Play

Rama, në Beograd/ E nis fjalimin me thumbime: Duhet të flas në gjuhën time të çuditshme

1 Shtator 2022, 14:01, Politikë CNA
Rama, në Beograd/ E nis fjalimin me thumbime: Duhet të flas në
Kryeministri Edi Rama

Kryeministri Edi Rama ndodhet në Panairin e Verërave në Beograd, ku për herë të parë prodhuesit bëhen bashkë për të promovuar verërat e rajonit, krahas prodhuesve të mirënjohur.

Edhe këtë herë, Rama nuk ka ngurruar që fjalimin e tij ta nisë me thumbime dhe batuta.

Kryeministri tha se fjalimin do ta nisë në gjuhën e tij të çuditshme pas nuk e njeh gjuhën e çuditshme serbe.

 “Më duhet të flas në gjuhën time të çuditshme sepse nuk e njoh gjuhën tuaj të çuditshme. Vendos mos e përdor fjalën që ka përdorur ekipi im, sepse fillonte me shprehjen qe ne në Shqipëri kemi krijuar verën e parë që në epokën e bronzit. Se di sa e vërtetë është kjo, por kemi humbur shumë kohë duke u përpjekur për të dalë i pari ose kush është më i vjetri. Një gjë e kemi mësuar të giithë që askush prej nesh nuk do shkojë diku tjetër. Zgjedhja jonë është shumë e thjeshtë, si të qëndrojmë këtu në këtë vend duke qenë së bashku në të njëjtën lagje të Europës duke u përpjekur ta bëjmë më të gëzueshme, jetueshme e më paqësore? Apo duke hedhur tjegulla me gurë e duke i vënë flakën njëri-tjetrit siç kemi bërë. Besoj se këtu, në këtë panair, pa e ekzagjeruar me nivelin e lartë europain është e qartë që më mirë kështu së bashku duke u afruar me njerëzit duke parë se sa shumë gjëra të përbashkëta kemi si njerëz. Se sa ashtu siç kemi qëndruar më parë duke i kthyer shpinën pa e njohur njëri-tjetrin me shumë zënka në mes. Sot duke vizituar panairin janë edhe prodhues nga shumë vende të tjera. Besoj se u kemi dhënë mundësi që jo vetëm të shkëmbejnë eksperiencat me njëri-tjetrin, po u kemi dhënë mundësi krijuesve dhe tregtarëve të verës të shikojnë kaq shumë udhëtime në një kohë të madhe për t’u shikuar. Këtë panair synojmë që çdo vit të shkojmë duke e spostuar nga njëri vend në tjetrin. Dhe ndërkohë, sot ne kemi një vëllim tregtar mes tri vendeve tona, i cili është nga afro 60 milionë në afro 100 milionë. 36 mijë euro më shumë se një vit më parë. Këto janë vetëm hapat e parë të vazhdueshëm. Ashtu sikundër ekspertët shqiptarë me Serbinë janë rritur vitin e fundit, afro 30% edhe në RMV. Të gjitha këto dhe të tjerat na mjaftojnë ta çojmë përpara këtë nismë. Nismë jo e jona, por që u takon njerëzve, të gjithë atyre që ofrojnë, eksportojnë, zhvillojnë industrinë, vizitojnë vendet tona, vajzat dhe djemve të reja e të rinjve të vendeve tona. Shpresoj që kjo t’u pëlqejë ndryshe nga rrugët e mbyllura të së shkuarës. 'Ballkani i Hapur' është më shumë ekonomi, apo ekonomi, është projekt paqeje dhe është një projekt bashkëjetese. Kjo lagje e vogël e Europës të bëhet më shumë vendi i së ardhmes për rininë tonë”, tha Rama./ CNA.al





Lajmet e fundit nga