web counter
LEXO PA REKLAMA!

SHKARKO APP

App Store
Google Play

E fundit!

x

SPAK-u nis tjetër hetim për Metën/ Dosja e re përfshin edhe familjarët e ish-presidentit

31 Gusht 2022, 21:18, Politikë CNA
SPAK-u nis tjetër hetim për Metën/ Dosja e re përfshin edhe
Ish-presidenti Ilir Meta

Krahas hetimit për lobimin në SHBA, SPAK-u ka nisur një hetim të dytë ndaj ish-presidentit Ilir Meta.

Sipas "Top Channel", në datën 25 korrik SPAK-u ka regjistruar një procedim të dytë për Metën, pas një denoncimi të gazetarit Adriatik Doçi.

Kreu i Partisë së Lirisë do të hetohet për tri veprat penale “shpërdorim detyre”, “korrupsion pasiv” dhe “pastrim parash”.

Në lidhje me hetimet, dy prokurorë të SPAK-ut i kanë dërguar një shkresë Ministrisë së Jashtme, ku i kërkojnë informacion mbi të gjitha pasaportat diplomatike që Meta ka marrë gjatë karrierës së tij politike.

Gjithashtu SPAK do të përsërisë veprime të tjera hetimore për pasqyrat financiare të LSI-së dhe kontratat e shitjeve.

Raportohet se hetimi do të përfshijë edhe bashkëshorten e ishpresidentit Monika Kryemadhi, kunatin Drini Kryemadhi dhe vjehrrin e këtij të fundit Nuri Peti, të cilët janë përmendur në dosjen e Doçit.

Nga të dhënat thuhet se teksa në 15 shtator 2013 drejtimin e Ministrisë së Transporteve e merr LSI , dy muaj më vonë Drini Kryemadhi, punësohet pranë një kompanie koncensionare që kishte monopolin e kolaudimit të makinave në Shqipëri. Ai paguhet me 4 mijë dollarë në muaj.

Teksa nga vitet 2015 deri në 2016 ai kaloi rreth 13 mijë dollarë në llogaritë e LSI , ai blen aksionet e një kompanie tjetër që bashkëvepron me kompaninë koncensionare, nga e cila largohet duke ia dhuruar aksionet vjehrrit të tij.

Ndërkaq, SPAK thekson se të dyja çështjet po hetohen të ndara nga njëra-tjetra./ B.A. – CNA.al





Lajmet e fundit nga