web counter
LEXO PA REKLAMA!

SHKARKO APP

App Store
Google Play

“Bllokoi negociatat për 8 vjet”/ Bullgaria i përgjigjet ashpër Ramës: Ka mungesë të aftësive komunikuese europiane

31 Gusht 2022, 14:14, Politikë CNA

“Bllokoi negociatat për 8 vjet”/ Bullgaria i përgjigjet

Ministria e Jashtme e Bullgarisë ka ndarë qëndrimin e saj në lidhje me deklaratat e kryeministrit Edi Rama, i cili në një nga daljet e tij është shprehur se Bullgaria bllokoi për tetë vjet fillimin e negociatave për anëtarësimin në BE-së të Shqipërisë.

Ministria e quan të pahijshme sjelljen e kryeministrit, ndërsa shton se ka mungesë të aftësive komunikuese europiane.

“Në lidhje me deklaratat e reja, të paprovokuara, të njëpasnjëshme antibullgare të kryeministrit shqiptar Edi Rama gjatë Forumit të Bled më 29-30 gusht të këtij viti, bazuar në deklaratën e rreme se Bullgaria bllokoi fillimin e negociatave të Shqipërisë për 8 vjet për anëtarësimin në BE. MPJ i refuzon me vendosmëri sugjerimet e tij si të papranueshme dhe të pahijshme për sjelljen e një kryeministri të një vendi kandidat për anëtarësim në BE.

Ministria e Jashtme ka shprehur tashmë qëndrimin e saj në lidhje me retorikën antibullgare të Edi Ramës, e cila është kthyer në një refren të përhershëm të fjalimit të tij politik. Tani ajo është e kombinuar me një fokus antieuropian dhe një përpjekje për të poshtëruar mekanizmat e procesit europian. Deklaratat zbulojnë keqkuptime rreth kuptimit politik të procesit të vendosjes së marrëdhënieve në rajon në binarët europianë. Natyrisht, bëhet fjalë ose për mungesë të aftësive komunikuese europiane ose për një nxitje të qëllimshme të ndjenjave antieuropiane.

Bullgaria rezervon të drejtën të reagojë në mënyrën e duhur ndaj sjelljes së kryeministrit shqiptar, duke ndjekur parimet e së drejtës ndërkombëtare dhe europiane",thuhet në njoftim./ CNA.al





Lajmet e fundit nga