E fundit!

07:14 Ekonomi

Shqiptarët do të paguajnë të paktën 100 milionë euro në vit shtesë për taksën e pronës

Me zbatimin e reformës së re për taksimin e pasurive të pa...

Përpjekjet e fundit në politikë/ Zbulohen lëvizjet e Bashës, çfarë po planifikon kryetari i shkarkuar

29 Gusht 2022, 12:50, Politikë CNA

Përpjekjet e fundit në politikë/ Zbulohen lëvizjet e

Juela Meçani

CNA.al, raportoi pak ditë më parë me fakte se si kryetari i shkarkuar dhe më pas i dorëhequr i Partisë Demokratike, Lulzim Basha, po bëhet gati për rikthimin në politikë.

Burime pranë Lulzim Bashës i thanë CNA.al se ai është duke u përgatitur për krijimin e një partie të re, dhe se ka gati gjithçka, formulën, strukturën dhe njerëzit që do ta mbështesin.

Ai pritet që të ketë një numër të paktën prej 7 deputetësh, si një lëvizje për të krijuar një grup parlamentar më vete, jashtë atij të Partisë Demokratike.

Nga ana tjetër Basha është duke negociuuar me disa kryetarë degësh apo mbështetës të tij për të themeluar një parti të re.

Pas këtij lajmi ka reaguar dhe ish-zëdhënësja e Berishës Juela Meçani.

Në një intervistë televizive, ajo është shprehur se zgjatja e vendimit të Gjykatës për t’i dhënë vulën e PD-së grupit të Berishës apo atyre që janë mbështetës të Lulzim Bashës me në krye Enkelejd Alibeajn, po përkeqëson situatën brenda kësaj force politike.

“Paralajmërimet janë se situata politike do të nisë vrullshëm në shtator. Janë hedhur indicie se do të jetë një vjeshtë politike opozitare e mbështetur të denoncimet.

Zgjatja e vendimit të Gjykatës për PD është gjëja më e gabuar që u bë. Është pak i habitshëm dhe zgjatja e këtij vendimi e kris edhe më shumë situatën brenda PD-së.

Ajo që unë nuhas është se një pjesë e lidershipit të kaluar të Bashës. Janë në pritje të këtij vendimi për t’i dhënë një zgjidhje politike karrierës së tyre politike dhe e dyta kredopolitike të një force të re.

E nuhas që do të ketë një forcë të re politike. Mendoj se njëra nga palët që do të marrë vendimin e gjykatës do të jetë e detyruar të bëjë një parti të re.

Basha mendoj se po bën përgatitje për një parti të re. Sido që të jetë vendimi i gjykatës, do të shkojë drejt krijimit të një partie të re”, u shpreh Meçani, në një intervistë për "Euronews Albania"./CNA.al