web counter
LEXO PA REKLAMA!

SHKARKO APP

App Store
Google Play

Çfarë fshihet pas rritjes së çmimit të naftës?/ Luçiano Boçi zbulon “qëllimin” e Ramës

28 Gusht 2022, 16:34, Politikë CNA
Çfarë fshihet pas rritjes së çmimit të
Nënkryetari i Partisë Demokratike, Luçiano Boçi

Për nënkryetarin e Partisë Demokratike, Luçiano Boçi, ka një arsye se përse Qeveria po rrit çmimin e naftës.

Boçi pretendon se qëllimi i kryeministrit Edi Rama është për të zhvatur emigrantët e qytetarët.

Kjo, sepse sipas tij, tashmë është periudha kur sasia e mjeteve në qarkullim dyfishohet dhe kërkesa për karburant gjithashtu, sepse emigrantët e shumtë kthehen në vendlindje dhe me pushime.

Ai pretendon se në këtë mënyrë, Rama arkëton miliona euro nga xhepat e njerëzve që i kanë me djersë e gjak.

“Çmim për të zhvatur emigrantët e qytetarët.

Ka një arsye themelore që çmimi i naftës në Shqipëri rritet e nuk u ul asnjëherë, përkundrejt rënies së tij në bursa.

Arsyeja është sa e thjeshtë aq dhe kanibaleske.

Kjo është periudha kur sasia e mjeteve në qarkullim dyfishohet dhe kërkesa për karburant gjithashtu, sepse emigrantët e shumtë kthehen në vendlindje dhe me pushime.

Grabitqari këtë rast pret për të sulmuar prenë e vet.

Rama këtë ka pritur për të rrjepur emigrantët e qytetarët!

E shndërron sentimentin njerëzor të mallit për vendin, në mall për fitimin e vet marramendës.

Më keq se e turpshme!

Kështu biznesi i tij qeverisës, arkëton miliona euro nga xhepat e njerëzve që i kanë me djersë e gjak, por që dihet si përfundojnë.

Përfundojnë në llogaritë e qeveritarëve dhe “bosave” të PPP-ve.

Ndërkohë oligarkët e karburanteve marrin pjesën e tyre me një fitim marramendës.

Ndërsa ata që zhvaten, grabiten më shumë me borde e pa borde, janë ata që nuk firmosin në asnjë bordero të bordellos-shtet, emigrantët patriotë dhe çdo qytetar i thjeshtë i këtij vendi”, shkruan nënkryetari i PD-së në rrjetet sociale./ B.A. – CNA.al

Çfarë fshihet pas rritjes së çmimit të





Lajmet e fundit nga