web counter
LEXO PA REKLAMA!

SHKARKO APP

App Store
Google Play

Meta tenton "të mbulojë diellin me shoshë”/ Mesazhi i Yuri Kim s’ishte për mua, kemi marrëdhënie të shkëlqyera

26 Gusht 2022, 19:51, Politikë CNA
Meta tenton "të mbulojë diellin me shoshë”/ Mesazhi i
Ish-presidenti Ilir Meta

Pasi ish-presidenti Ilir Meta quajti spurdhjak kreun e SPAK, Arben Kraja dhe ngriti një sërë akuzash për hetimin që ka filluar ndaj tij, ambasadorja e SHBA në Tiranë, Yuri Kim, doli me një mesazh të fortë.

Por Meta mbrëmjen e sotme ka tentuar “të mbulojë diellin me shoshë”, pasi u shpreh se deklarata me tone të ashpra nuk ishte për të.

Në një lidhje me Fax News, kreu i PL-së tha nga Jala se nuk ka se si të ketë mesazh të fshehur për të nga Yuri Kim.

“Nuk ka se si të ketë mesazh të fshehur për mua, mesazhet e mia kanë qenë të hapur ndaj të gjithëve që kjo ka qenë reformë e dështuar. Është kapur prokuroria nga Edi Rama. Është vetë ai që në kongresin e fundit ku e bëri të qartë se SPAK është krijesë e PS-së. Ekzistencën e vetë ia detyroi partisë. Është e qartë se kush janë personat që i bëjnë presion drejtësisë. Shqipëria ka rënë 26 vende përsa i takon treguesit antikorrupsion. Është vendi i dytë në botë për dhënien dhe marrjen e rryshfetit pas Zambias”, theksoi ai.

I pyetur për marrëdhëniet me ambasadoren amerikane, ish-presidenti deklaroi se kanë qenë dhe do jenë të shkëlqyera në mënyrën më absolute.

“Marrëdhëniet e mia me SHBA-të kanë qenë dhe do jenë të shkëlqyera në mënyrën më absolute. Dy persona kanë probleme me drejtësinë e SHBA-së. Një është gruaja e Bilalit që është në krye të qeverisë. Tjetri dihet se kush është, miku i Muzinit. Është kënaqësia më e madhe nëse dikush më kërkon të më pyesë. Sepse do u bëj publike të gjitha çështjet për të cilat pyetem dhe përgjigjet e mia. Ne do vijojmë me aferën e inceneratorëve”, nënvizoi Meta./ B.A. – CNA.al





Lajmet e fundit nga