E fundit!

21:02 Aktualitet

Vrasja e efektivit/ Klodiana Lala: Duhet hetim i thelluar, kemi një dëshmor por asnjë dorëheqje

Gazetarja Klodiana Lala ka deklaruar se duhet një hetim i ...

Ballafaqimi i dy provave që ‘gozhdojnë’ Ilir Metën para SPAK-ut/ Në rrezik edhe Vasili dhe Kryemadhi

26 Gusht 2022, 19:05, Politikë ADRIATIK DOCI

Ballafaqimi i dy provave që ‘gozhdojnë’ Ilir Metën

Fotomontazh - Petrit Vasili, Monika Kryemadhi dhe Ilir Meta

Kontrata me kompaninë e lobimit McKeon Group në 2017 dhe raporti financiar i dorëzuar në KQZ nxjerrin zbuluar Ilir Metën, kontratat janë lidhur nga Meta dhe Vasili, raporti i rremë është firmosur nga Monika Kryemadhi

Ilir Meta ka zgjedhur sulmin dhe përpjekjet për të ushtruar presion, si strategji mbrojtjes pasi SPAK ka nisur zyrtarisht hetimet ndaj tij, për korrupsion dhe falsifikim të formularëve, për çështjen e lobimit me para të pista në SHBA.

Duke iu referuar dosjes në SPAK, Report Tv sjell sot dy prova të pakontestueshme, ballafaqimi i të cilave, komprometon rëndë pozitat dhe vesh me përgjegjësi penale Ilir Metën, i cili u ka fshehur autoriteteve shqiptare shpenzimet për të siguruar takime me para në Shtetet e Bashkuara të Amerikës.

Prova e parë është raporti financiar i Lëvizjes Socialiste për Integrim, për vitin 2017, dorëzuar në Komisionin Qendror të Zgjedhjeve. Në raportin e financiar të LSI për vitin 2017, protokolluar nga KQZ në 11 janar 2028, reflektohet shpenzime edhe për karrige dhe fotokopje, por jo për lobim në SHBA.

Shpenzime të LSI për lobim nuk konstatohen as nga raporti i auditimit të financiar të LSI-së, për llogari të KQZ-së, nga audituesja Hidajete Muçaj. Sipas këtij raporti, të ardhurat e LSI për vitin 2017 janë 91 174 757, pra rreth 900 mijë USD, ku përfshihen të ardhura nga buxheti i shtetit, donacione, kuotat e anëtarësisë etj. Gjatë vitit 2017, LSI-ja ka shpenzuar rreth 1 milionë USD, ku përfshihen reklama rreth 300 USD, pagat, qera, konsulencë, internet, telefon, dieta, udhëtime etj. Në raport nuk figurojnë shpenzime për lobim.

Prova e dytë është kjo kontratë, e datës 6 janar të vitit 2017, e kompanisë lobuese McKeon Group me LSI-në dhe Ilir Metën, për blerjen e takimeve dhe fotove të Ilir Metës me zyrtarë amerikanë.

Kontrata ka një kohëzgjatje 6 mujore dhe vlera totale që parashikon është 90 mijë USD. Kontrata nuk do të zbulohej kurrë, por kompanitë amerikane të lobimit kanë për detyrë të deklarojnë kontratat dhe të ardhurat që përftojnë nga lobimet në website-in e FARA, e ngjashme me KQZ si dhe në Departamentin e Drejtësisë Uashington.

Ligji nr.8580, datë 17.2.2000, i ndryshuar, për partitë politike, në nenin 23, parashikon që partitë politike dorëzojnë raportet financiare një herë në vit pranë Komisionit Qendror të Zgjedhjeve, të cilat duhet të përmbajnë informacion të hollësishëm për burimet e financimit
Shpenzimet.

90 mijë USD të shpenzuara për lobim, në bazë të kësaj kontrate, nuk janë deklaruar nga LSI-ja, në KQZ. LSI-ja, e drejtuar nga Ilir Meta deri në maj 2017, ka dorëzuar një raport të rremë financiar në KQZ, duke fshehur shpenzimet për lobim.

Krahas falsifikimit të formularit, SPAK ka regjistruar edhe akuzën e korrupsionit pasiv, pasi Ilir Meta i ka marrë diku paratë e lobimit, në formë të paligjshme.

Roli i Vasilit dhe Kryemadhit

Lëvizja Socialiste për Integrim, gjatë vitit 2017, është drejtuar nga tre kryetarë. Nga janari 2017 deri në fund të prillit 2017, partia është drejtuar nga Ilir Meta. Gjatë periudhës maj-qershor 2017, partia është drejtuar nga Petrit Vasili. Nga data 5 korrik 2017, LSI-ja është drejtuar nga Monika Kryemadhi, bashkëshortja e Metës.

Deputeti Petrit Vasili, si përfaqësues i LSI-së, ka firmosur një nga kontratat e lobimit me kompaninë Global Security and Innovative Strategies, në 3 shkurt 2016, ku janë paguar 123 mijë USD, për t’i mundësuar takime me anëtarë të Kongresit në SHBA, takime me zyrtarë të Departamentit të Drejtësisë dhe të Departamentit të Shtetit. Edhe ky shpenzim nuk është deklaruar në KQZ.

Nga ana tjetër, Monika Kryemadhi, ka firmosur raportin e rremë financiar të LSI, për vitin 2017, që ka dorëzuar në KQZ.

Ballafaqimi i dy provave që ‘gozhdojnë’ Ilir Metën