web counter
LEXO PA REKLAMA!

SHKARKO APP

App Store
Google Play

E fundit!

x

“Impiantet lëshojnë mbetje të madhe squfuri”/ Berisha bën denoncimin e fortë: Në Vlorë nuk do të jetohet më!

26 Gusht 2022, 12:41, Politikë CNA
“Impiantet lëshojnë mbetje të madhe squfuri”/ Berisha
Sali Berisha

Kryedemokrati Sali Berisha, gjatë konferencës për mediat bëri të ditur se po vijnë nga Bangladeshi impiante për prodhimin e energjisë.

Berisha tha se ekspertët i kanë bërë me dije se këto impiante punojnë me naftë të rëndë, të cilat çlirojnë një sasi të madhe squfuri që është shumë e dëmshme për shëndetin.

Sipas tij, Vlora do të kthehet në një qytet që nuk do të jetohet më për shkak të ndotjes së madhe e cila është e barabartë me 100 mijë makina.

“Çfarë po bën Edi Rama, për të dalë para shqiptarëve me këtë batërdi. Po bën në mënyrën më të pabesueshme zbrazjen e kaskadës së Drinit. Cdo ditë kaskada ulet me mbi 50cm në ditë. Kasakada sot është 274 metër në një kohë kur me rregulloren ajo më 1 shtator nuk mund të jetë kurrë në këto nivele. Por edhe Rama për të justifikuar këtë vetinstaloi këto impiante të cilat janë 2 impiante që janë instaluar në Bangladesh.

Nga 2018 deri sot këto impiante ishin pa funksion fare. Problemet e tyre përveç çmimeve që janë stratosferike po kaq të tmerrshme janë problemet që lidhen me ambientin, këto nuk janë termocentrale, por gjeneratorë gjigantë të cilët funksionojnë me naftë të rëndë që ka në përbërjen e vet 50mg për litër squfur. E ndaluar për t'u përdorur. Rama do të krijojë një ndotje të madhe sikur në Vlorë të shtohen 100 mijë makina në këtë qytet. Kjo është një çmenduri. Eksperti më konfirmon se këto makineri do të harxhojnë 600 tonë në ditë naftë të rëndë, a mund të qëndrohet në Vlorë në këtë situatë? Korrupsioni të verbon në çdo gjë.

Edi Rama ka mashtruar qytetarët ku në opinionin ka deklaruar se këto punojnë me gaz, këto gjeneratorë punojnë me naftë të pasur me squfur. Imagjinoni ju 1000 mijë makina me karburant me squfur, e dënoj me ashpërsinë më të madhe këtë megaaferë të tmerrshme të qeverisë për të justifikuar këtë vendim në mënyrën më të paaftë dhe të pavërtetë. Edi Rama ka deklaruar se do të mbarojë energjia dhe s’do ketë energji, si do mbarojë energjia? Energjia do të mbarojë kur të mbyt korrupsioni”, tha Berisha./CNA.al





Lajmet e fundit nga