web counter
LEXO PA REKLAMA!

SHKARKO APP

App Store
Google Play

Metës i ngushtohet ‘laku’/ SPAK-u kërkon informacione në Qipro për lobimin 700 mijë dollarë

27 Gusht 2022, 21:44, Politikë CNA
Metës i ngushtohet ‘laku’/ SPAK-u kërkon informacione
Godina e SPAK-ut

Prokuroria e Posaçme për hetimin e nisur për dosjen e lobimit të Lëvizjes Socialiste për Integrim do të kërkojnë informacion në Qipro dhe Shtetet e Bashkuara të Amerikës.

SPAK-u, me anë të letërporosive, do të mundohet të sigurojë prova në Qipro për kompaninë Dorelita Limited, e cila drejtohet nga avokati Iraklis Fidetzis.

Ky i fundit, sipas kallëzimit të bërë nga ish-deputeti Halit Valter është lidhja e Vangjel Tavos.

Valteri kërkon që SPAK-u të faktojë se si kanë shkuar rreth 700 mijë dollarë në Qipro, të cilat me pas Dorelita Limited i ka kaluar në SHBA për të lobuar që Ilir Meta të zhvillonte takime më kongresmenë amerikanë.

SPAK-u me atë të kësaj letërporosie do të saktësojë zyrtarisht nëse LSI-ja ka qenë kliente e Dorelita Limited dhe në cilën formë është kryer transaksioni, bën me dije "Euronews Albania".

Ndërsa në SHBA do të kërkohet po në formën ligjore mënyra si është paguar McKeon Group, kompania që sipas Halit Valterit ka caktuar takimet e kryera nga Ilir Meta në 2017.

Pjesë e këtyre pagesave është edhe marrja pjesë në inaugurimn e ish-presidentit Donald Trump apo takime të tjera me zyrtarë amerikan.

Ndërsa në Shqipëri SPAK-u është duke mbledhur informacion nga një sërë institucionesh për dy kallëzimet e Valterit.

Ish-deputeti e akuzon Metën edhe për 30 dosje korrupsioni së bashku me Monika Kryemadhin dhe disa zyrtarë të LSI-së.





Lajmet e fundit nga