web counter
LEXO PA REKLAMA!

SHKARKO APP

App Store
Google Play

Meta "bën cubin" para të rinjve/ Do shporr Qeverinë e do i jap liri patronazhistëve

26 Gusht 2022, 22:58, Politikë CNA
Meta "bën cubin" para të rinjve/ Do shporr Qeverinë e
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta tha nga Jala se do të fitojë kundrejt kryeministrit Edi Rama dhe do t’u japë liri edhe patrinazhistëve.

Gjatë fjalës së tij para të rinjve, Meta tha se askush nuk duhet të largohet nga vendi, pasi theksoi se bashkë me ta do të shporrë Qeverinë.

“Sot është dita e fundit në këtë kamp. E dimë se kush është beteja jonë. Është beteja për 200 vitet që vijnë. Nuk kemi atdhe për të humbur. Nuk kemi atdhe për të braktisur. Fundi i kësaj drame është që rinia dhe mundësitë për respektimin e saj dhe integrimin e saj është prioriteti i prioriteteve tona. Mos zgjidhni rrugën e gabuar për të braktisur vendin, hajdeni bashkohemi e bëjmë punën më të lehtë të shporrim këtë qeveri, që punon për një pakicë të babëzitur, që nuk e lidh asgjë me vendin tonë të bukur, e ti japim Shqipërisë shkëlqimin që meriton.

Rinia në veprim është rinia në vendimmarrje, është rinia në çdo hap dhe çdo mendim të jetës sonë. Si prindër si të rinj, si gjyshër dhe mbi të gjitha si patriotë që e duam këtë vend. Javët e para të shtatorit do të jenë një pranverë e jashtëzakonshme dhe shumë e vonuar. Ne do fitojmë dhe do u japim edhe lirinë patronazhistëve”, theksoi ish-presidenti./ B.A. –CNA.al





Lajmet e fundit nga