web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet në FRPD/ Flet Mariglend Doçi: Çfarë e shtyu të kandidonte për kryetar

28 Gusht 2022, 19:22, Politikë CNA
Zgjedhjet në FRPD/ Flet Mariglend Doçi: Çfarë e shtyu
Mariglend Doçi

Mariglend Doçi, njëri nga 6 kandidatët për lidershipin e ri të Forumit Rinor të Partisë Demokratike, ka treguar për CNA.al arsyet që e shtynë garonte në këto zgjedhje.

Doçi tha se është rritur me kauzat e sakrificat që ka kaluar FRPD. Ai theksoi se për këtë arsye sot ndihet i gatshëm për të bashkuar të gjithë të rinjtë dhe për t’i dhënë një frymë dhe një model tjetër lidershipit të FRPD.

“Vendosa të garoj për kreun e FRPD, fillimisht duke u nisur nga kontributi im prej vitesh në këtë strukturë e duke e ndier veten tashmë të gatshëm për ta drejtuar.

Unë jam rritur në forumin rinor, jam rritur me kauzat e sakrificat që kemi kaluar të gjithë së bashku dhe mosha ime më e bukur ka kaluar në dyert e FRPD.

Unë sot nuk ndihem vetëm i gatshëm për ta drejtuar, por i gatshëm për të bashkuar të gjithë të rinjtë dhe i gatshëm për t’i dhënë një frymë dhe një model tjetër lidershipit të FRPD.

Në këtë gjendje që jemi sot, drejtuesi i forumit rinor nuk duhet të jetë një njeri për të komanduar punë nga zyra, por një njeri terreni dhe një njeri për t'u bërë zëri i të rinjve”, u shpreh ai në një intervistë për CNA.al

I pyetur për sekretin e fushatës së tij, Doçi deklaroi se është një njeri popullor dhe i hapin derën në çdo cep të Shqipërisë. Sipas tij, kjo gjë po e ndihmon shumë në fushatë.

“Unë jam rritur në terren, jam rritur cep më cep të Shqipërisë duke qenë i pranishëm kudo. Dhe këtë po e vërej sot që jam në fushatë, ku në çdo qytet më njohin dhe më hapin derën.

Unë nuk kam qenë vetëm njeri i konferencave apo njeri i vetëm një zone që të më njohë një komunitet i caktuar, por kam qenë pjesë e kauzave pothuajse në çdo qytet të Shqipërisë dhe ky fakt, pra të qenit në terren gjithë kohën dhe njeri popullor, po më ndihmon shumë në fushatë, pasi dhe në cepin më të thellë të Shqipërisë mua gjithmonë do të ketë njerëz që do të më presin…”, vijoi ai.

Më tej, Mariglend Doçi u ndal te gjërat që FRPD ka bërë mirë dhe ato që nuk kanë shkuar siç duhet. Kandidati nënvizoi se edhe në FRPD ka vend për përmirësime.

“Si çdo gjë tjetër në jetë, sidomos në politikë, gjithmonë ka vend për më mirë…

Edhe në FRPD ka gjëra që janë bërë mirë, ka gjëra që kanë çaluar dhe ka të tjera që kanë defiçencën e tyre..

Nuk do doja të ndalesha në veprime konkrete, por di të them që nga këto veprime kam mësuar shumë dhe sot ndaj ndihem i gatshëm për të qenë në krye të FRPD për të bërë akoma më mirë shumë gjëra që nuk u bënë kurrë më mirë dhe për të mos i lënë më shumë vend pyetjes: “çfarë nuk është bërë mirë?”

Sigurisht që kryetari i kaluar ka pasur në dorë të bëjë akoma më shumë për të rinjtë, dhe pse kemi qenë në situata të vështira.

Për shumë vendime i kam shtrënguar dorën kryetarit të kaluar të FRPD-së dhe shumë herë të tjera kemi pasur përplasjet tona për veprime që më janë dukur të padrejta.

Në forum duhet të vlerësohen të gjithë njësoj, pa dallime miqësie, pa dallime shtresash. Jemi 1”, deklaroi Doçi./ Brunilda Allkja – CNA.al





Lajmet e fundit nga