web counter
LEXO PA REKLAMA!

SHKARKO APP

App Store
Google Play

E fundit!

x

Kriza me çmimet/ Rama kritikon BE: Shpresoj të mos bëjë gabimin e turpshëm si në pandemi

29 Gusht 2022, 19:53, Politikë CNA
Kriza me çmimet/ Rama kritikon BE: Shpresoj të mos bëjë
Kryeministri Edi Rama

Kryeministri Edi Rama nuk i ka kursyer kritikat për BE-në, gjatë fjalës së tij në forumin strategjik të Bled-it, në Slloveni.

Teksa foli për krizën e çmimeve pas shpërthimit të luftës në Ukrainë, Rama tha se BE nuk duhet të përsërisë gabimin e turpshëm që bëri në pandemi, duke mos dhuruar vaksina.

Kreu i qeverisë theksoi se shpreson që BE të përkrahë shtetet e Ballkanit Perëndimor.

“Ne jemi harmonizuar qysh prej ditës së parë me politikën e BE-së. Ne jemi shumë besnikë ndaj perandorive. Do të jemi të fundit që do të largohemi nga perandoria perëndimore. Si e shpjegoni këtë? Sepse jemi njerëz të mirë. Në kodin tonë, në Kushtetutën e parë të shqiptarëve, fjala e dhënë është barasvlefshme me nderin. BE na ka dhënë shumë fjalë, ndonjëherë i mbajnë dhe ndonjëherë nuk i mbajnë.

Ne ja kemi dalë të vazhdojmë kështu, duke mos e rritur çmimin e enegjisë asnjë cent. Kemi inflacionin më të ulët në rajon. Kur krizat të mëdha vijnë ata që kanë më shumë problem janë të pasurit sesa të varfrit. Unë e shoh Ballkanin si tërësisht të drejtë dhe besnik e krah Ukrainës deri në fund. Shpresojmë që BE nuk do të bëjë gabimin e turpshëm si gjatë pandemi për krizën e çmimeve pas luftës në Ukrainë, ku nuk na dhanë vaksina. Ne jemi në zemër të BE-së”, nënvizoi Rama. / B.A. – CNA.al





Lajmet e fundit nga