web counter
LEXO PA REKLAMA!

SHKARKO APP

App Store
Google Play

E fundit!

x

Berisha, akuza Ramës/ Varfëria në rritje, është katërfishuar që nga viti 2013

30 Gusht 2022, 19:44, Politikë CNA
Berisha, akuza Ramës/ Varfëria në rritje, është
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka hedhur sërish akuza ndaj kryeministrit Edi Rama për varfërinë e qytetarëve, gjatë një bashkëbisedimi me ekspertë, përfaqësues të biznesit dhe qytetarë.

Berisha tha se varfërimi i frikshëm në rritje është gjëja më evidente, që sipas tij e tregojnë në mënyrë të pamohueshme të gjithë treguesit që masin varfërinë.

Lideri i demokratëve deklaroi se varfëria ekstreme është katërfishuar nën qeverisjen e Edi Ramës.

“Ne kemi zgjedhur këtë format për të diskutuar probleme themelore, me të cilat përballet shoqëria jonë. Natyrisht, si PD, në mënyrë të padiskutueshme për të marrë, përzgjedhur, reflektuar në programin tonë, këto mendime që ne të përgatitemi për përgjigjen më të mirë me problematikën e madhe që përballet Shqipëria.

Në këtë kontekst është jashtë çdo dyshimi se, problem themelor me të cilin përballen shqiptarët sot, është varfërimi i frikshëm në rritje. Kjo është gjëja më evidente, e tregojnë në mënyrë të pamohueshme të gjithë treguesit që masin varfërinë.

Dëshmohet nga fakti se, në rast se në 2013 ne ishim vendi me rrogat dhe pensionet më të larta në rajon, sot i kemi më të ulëtat në rajon. Në 2013 ne kishim 1.03 % varfëri ekstreme sipas Bankës Botërore, sot është katërfishuar. Këta janë familje që marrin më pak se 1 $ në ditë. Ishin 14 mijë familje, tani janë mbi 50 mijë familje”, theksoi ish-kryeministri./ B.A. – CNA.al





Lajmet e fundit nga