web counter
LEXO PA REKLAMA!

SHKARKO APP

App Store
Google Play

E fundit!

x

“U jep 60 mln € klientëve pa iu dridhur qerpiku, qytetarët diskutojnë bukën e gojës”/ Deputeti demokrat ‘telendis’ Ramën

1 Shtator 2022, 19:27, Politikë CNA
“U jep 60 mln € klientëve pa iu dridhur qerpiku, qytetarët
Edi Rama

Deputeti demokrat, Dashnor Sula, ka kritikuar qeverinë për situatën e rëndë ekonomike në të cilën ndodhen familjet e qarkut të Elbasanit.

 “Varfëria ulet këmbëkryq në familjet e qarkut të Elbasanit. Me përgjegjësi të plotë theksoj se më e rënduar është situata në bashkitë; Peqin, Belsh,Cërrik, Gramsh, Librazhd e Prrenjas. Papunësia dhe rritja e çmimeve e kanë bërë edhe më të pamundur që familjet të blejnë bukën, vajin, vezën me pak fjalë; ushqimet bazë. Listat në dyqanet e lagjeve janë stërzgjatur dhe në disa raste kanë humbur shpresën se do shlyhen ndonjëherë borxhet pasi situata ekonomike vetëm përkeqësohet”, shkruan Sula.

Duke kritikuar vendimin e qeverisë për të ndërtuar një vepër artit të quajtur “Kopshti i Edenit” në ambientet e Kryeministrisë që shkon në 4 milionë euro investim, Sula thekson se shtresat në nevojë janë lënë në mëshirë të fatit.

“Këtë situatë nuk e sheh vetëm qeveria e cila gjatë gjithë verës la pa asnjë ndihmë edhe shtresat më në nevojë. Zero ndihmë për pensionistët dhe familjet në nevojë. Por 60 milionë euro i dha klientëve pa iu dridhur qerpiku i syrit. Ndërsa tani sikur të ishim në një vit bollëku shpenzon 4 milionë euro për instalacione të padobishme. Me ato para mund të ishte zgjidhur halli i shumë familjeve që diskutojnë bukën e gojës”, shton deputeti i PD-së./CNA.al

 





Lajmet e fundit nga