web counter
LEXO PA REKLAMA!

SHKARKO APP

App Store
Google Play

E fundit!

x

Ende asnjë datë për protestë/ Çfarë po ndodh me revolucionin opozitar

2 Shtator 2022, 13:00, Politikë CNA
Ende asnjë datë për protestë/ Çfarë po ndodh me
Kryetari i Partisë Demokratike, Sali Berisha

Gjatë një takimi me gazetarët, kryetari i Partisë Demokratike, Sali Berisha, shprehet se është takuar me kreun e Partisë së Lirisë, Ilir Meta.

Në fakt, gjatë gjithë verës ata kanë shprehur se opozita do të ketë një rikthim të fuqishëm dhe se aksioni opozitar do të gëlonte në çdo cep të Shqipërisë, por ende sot nuk kemi një datë.

Këtë e ka konfirmuar vetë Berisha. Teksa ka folur rreth aksionit opozitar, ish-kryeministri deklaroi se do të zhvillohen protesta dhe kundërshtim të hapur ndaj vjedhjeve qeveritare, por akoma nuk kanë fiksuar një datë.

Nga ana tjetër, edhe Meta dje nuk dha një datë konkrete për protestat e paralajmëruara, në konferencën që mbajti pë shtyp.

“Jam takuar me zotin Meta. Nuk kemi fiksuar datë për protestë.

Kemi rënë dakord për një aksion të fuqishëm opozitar për përballje me këtë regjim, që po shtrëngon çdo ditë e më shumë monizmin e tij në vend, vjedhjet dhe plaçkitjet e qytetarëve shqiptarë dhe sundimin e krimit.

E theksova dhe e theksoj sërish, zhvillimet e dy ditëve të fundit kanë qenë zhvillime që në një shtet normal të kujtojnë grushte të pjesshme të shtetit.

Ti je kryeministër, por nuk mund të heqësh drejtorin e Policisë së Shtetit pa motive të forta dhe publike.

E heq atë, vetëm për qëllime të mbrapshta, kur nuk tregon motivet.

Ti je kryeministër, por nuk mund të zëvendësosh drejtorin e SHISH pa shkarkuar drejtorin. Atë e kanë nisur në shkollë pa afat. Paska qenë i pashkolluar ky Helidoni. Ka muaj të tërë në SHBA.

Ti je kryeministër, por nuk mund të shkarkosh drejtorin e pastrimit të parave pa dhënë shpjegime. Në mungesë të shkaqeve të shkarkimit, çdo qytetar ka të drejtë të besojë se kanë qenë arsye personale.

Sepse klani Rama është i përfolur në të gjithë aferat.”, theksoi ish-kryeministri./ B.A. - CNA.al





Lajmet e fundit nga