web counter
LEXO PA REKLAMA!

SHKARKO APP

App Store
Google Play

Berisha nuk ndal akuzat/ Flet për protestat: Data do të caktohet nga ‘Fronti për Shpëtimin e Shqipërisë’

5 Shtator 2022, 19:06, Politikë CNA
Berisha nuk ndal akuzat/ Flet për protestat: Data do të caktohet nga
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka hedhur sërish akuza gjatë një prononcimi për mediat jashtë ambienteve të Parlamentit.

Berisha tha se Parlamenti është shndërruar në një problem madhor për vendin, në një mbështetje të një regjimi që mashtron me gjithçka.

“Pra është një moment tjetër ky që damkos këtë shumicë dhe parlament që ngrihet mbi krimin, drogën dhe dhunimin e votës, sistemin e patronazhistëve.

Parlamenti është shndërruar në një problem madhor për vendin, sepse është shndërruar në një mbështetje të një regjimi që mashtron me gjithçka dhe vjen në çdo akt e vendim qytetarët shqiptarë. Dënoj me përçmim të madh këtë akt, seancë parlamenti, kalendar të parlamentit të denjë vetëm për protektoratet e krimit. Më lejoni të rikujtoj këtu se për qytetarët nuk ekziston asnjë interes më minimal, për ti mbështetur ata, për të lehtësuar dhimbjen e tyre, përkundrazi për ti vjedhur. Ato para që fitohen nga rritja e çmimeve i kalohen klientelës së qeverisë dhe blihen instilacione 4 mln euro, për të qetësuar sytë dhe xhepin e Edi Ramës”, u shpreh ai, ndërsa paralajmëroi sërish protesta të fuqishme popullore.

“Mendoj se shqiptarët do të arrijnë ti japin përgjigjen e merituar kësaj maxhorance në tërësi, Parlamentit dhe Qeverisë në këtë stinë e cila lajmëron më shumë se çdo gjë tjetër, protesta të fuqishme popullore”, theksoi ai.

Teksa ende nuk është caktuar një datë për protestën, ish-kryeministri deklaroi se do të mblidhet ‘Fronti për Shpëtimin e Shqipërisë’ për të bërë një axhendë.

“Padiskutim që koordinimet do të bëhen. Ka një front opozitar që do të mblidhet. Do të mblidhet ‘Fronti për Shpëtimin e Shqipërisë’ dhe do të miratojë një axhendë që ka si synim një protestë të qëndrueshme popullore në mbrojtje të interesave të qytetarëve shqiptarë”, nënvizoi Berisha./ B.A. - CNA.al





Lajmet e fundit nga