web counter
LEXO PA REKLAMA!

SHKARKO APP

App Store
Google Play

E fundit!

x

Ekspertja e ekonomisë zbulon defektin e Qeverisë/ Legjislacioni tatimor, i paqëndrueshëm

4 Shtator 2022, 20:55, Politikë CNA
Ekspertja e ekonomisë zbulon defektin e Qeverisë/ Legjislacioni
Ekspertja e ekonomisë, Meri Lika

Ekspertja e ekonomisë, Meri Lika, ka zbuluar defektin e Qeverisë, teksa ka qenë duke folur gjatë një bashkëbisedimi të ish-kryeministrit Sali Berisha, me ekspertë, përfaqësues të biznesit dhe familjarë për çmimet e larta.

Lika tha se defekti është luhatshmëria e madhe e legjislacionit tatimor, i cili sipas saj është i paqëndrueshëm.

Ajo pretendon se legjislacioni tatimor ndryshon jo me plan strategjik, por sipas interesave që ka Qeveria.

“Qeveria ka një defekt shumë të madh, sepse ka një luhatshmëri të madhe të legjislacionit tatimor. Është shumë i paqëndrueshëm. Ndryshon jo me plan strategjik, por sipas interesave që ka Qeveria. Në një analizë të thjeshtë që i kam bërë, nga 1993 deri në 2013, legjislacioni tatimor ka ndryshuar vetëm 12 herë. Nga 2013 deri më tani ka ndryshuar 42 herë. Dhe pritet që të bëhet një ndryshim tjetër, që do të prekë më keq biznesin, sidomos biznesin e vogël që do ta taksojnë me 23 %.

Përveç kësaj, kam vërejtur edhe një problem tjetër. Paga minimale nuk indeksohet çdo vit sipas inflacionit, por indeksohet vetëm nëpër vitet elektorale. Nga 1993, deri në vitin 2013, paga minimale është indeksuar vit për vit, ndërsa pas 2013 paga minimale është rritur vetëm në vitet elektorale, ose kur qeveria është ndjerë ngushtë”, theksoi ekspertja e ekonomisë./ B.A. – CNA.al





Lajmet e fundit nga