web counter
LEXO PA REKLAMA!

SHKARKO APP

App Store
Google Play

Dashamir Shehi zbulon formulën/ ”Si mund të bashkohet opozita”

6 Shtator 2022, 19:43, Politikë CNA
Dashamir Shehi zbulon formulën/ ”Si mund të bashkohet
Kreu i LZHK-së, Dashamir Shehi

Kreu i LZHK-së, Dashamir Shehi, ka folur rreth sesionit të ri parlamentar. I ftuar në “Radarin infromativ” Shehi shprehet se ka një formulë që opozita e përçarë të bashkohet.

Sipas Shehit, opozita duhet të bëjë një skaletë politike se si do të sillen në parlament, në rrugë dhe në media. Ai tha se për momentin e vetmja formulë bashkimi është se deri në zgjedhjet lokale të shohin si kundërshtar vetëm qeverisjen socialiste dhe Edi Ramën.

“Unë shpresoj që të kemi gjëra të reja. Ne opozitë jemi, vazhdimësia e muajve të mëparshëm do të jetë, opozita ka nevojë të rinovohet. Që do të thotë që nga këtu deri te zgjedhjet lokale të vëmë një skaletë politike, se çfarë do të bëjmë brenda parlamentit të Shqipërisë, ku duhet të fokusohemi më shumë. E dyta që është pjesa jashtëparlamentare, protesta. E treta si do përfaqësohemi mediatikisht, e katërta kush janë njerëzit me të cilët do të hyjmë në zgjedhjet lokale. Këto janë temat kryesore.

Shoh një përkushtim të madh, shoh një pakënaqësi të madhe popullore, i duhet dhënë një formë politike. Nga kjo pikëpamje nuk jemi në momentin më të mirë, ka paqartësi brenda blloku opozitar, kush po na udhëheq, a kanë interesa politike këta njerëz.

Alternativa ka plot. Kush janë? Ideja ime është që e vetmja formulë që opozita të bashkohet ose të qëndrojë si trup opozitar është që brenda kësaj formule së formulës opozitare, ajo që e bashkon të jetë lufta kundër qeverisë socialiste dhe Edi Ramës. Kjo është e vetmja mënyrë. Vija mbi të cilën të qëndrojmë të gjithë jemi kundër Ramës, pastaj mbi këtë vijën e emëruesit mund të rrijë Berisha, Meta, Shehi etj, edhe duke pasur probleme me njëri-tjetrin. Kjo është e vetmja mënyrë të paktën deri në zgjedhjet lokale”, tha Dashamir Shehi./ CNA.al





Lajmet e fundit nga