web counter
LEXO PA REKLAMA!

SHKARKO APP

App Store
Google Play

E fundit!

x

Politikani ‘luksoz’, që nuk i del rroga/ Meta: Nuk përballohet jeta me këto çmime marramendëse

6 Shtator 2022, 19:18, Politikë CNA
Politikani ‘luksoz’, që nuk i del rroga/ Meta: Nuk
Ilir Meta, kryetari i Partisë së Lirisë

Ilir Meta, kryetari i Partisë së Lirisë, që ka një pasuri prej 4 miliardë lekësh, është ankuar sot për rrogat dhe çmimet marramendëse, të rritura për shkak të pandemisë dhe luftës së Rusisë në Ukrainë.

Gjatë një takimi me strukturat e gruas së degës PL-së në Tiranë, Meta vajtoi varfërinë e qytetarëve dhe largimin e të rinjve nga vendi.

Ai deklaroi se me këto rroga dhe me këto çmime marramendëse nuk përballohet jeta.

“Nuk mund të vazhdohet kështu pasi rrezikojmë të shpërbëhemi si komb dhe shtet sepse është kërcënuar si asnjëherë tjetër familja shqiptare. Takojmë gra, nëna, që thonë se edhe fëmija i fundit iku për në Gjermani apo Angli sepse nuk mund të martoheshin, të jetonin, të blinin apartament, nuk përballohet jeta me këto rroga dhe me këto çmime marramendëse.

Ikën për hir të fëmijëve, edhe pse mund të jenë në vende të mira pune. Për shkolla, për qetësinë, për sigurinë dhe kjo nuk mund të vazhdojë më tej. Nuk mund të bëjmë atë që bëjnë danezët, por pse të mos bëjmë atë që bëjnë në Kosovë, Maqedoni të Veriut, Mal të Zi? Nëse do t’i shikoni të gjitha statistikat, nuk ka statistika më të errëta. Një vend ku në mënyrë të qëllimshme nuk janë rritur pagat pensionet, pasi po të ishin rritur do të ishte e vështirë të vidhej në këto përmasa, jo vetëm me aferën e inceneratorëve”, theksoi ish-presidenti./ B.A. - CNA.al





Lajmet e fundit nga