web counter
LEXO PA REKLAMA!

SHKARKO APP

App Store
Google Play

E fundit!

x

Sulmi kibernetik ndaj shërbimeve publike online/ Shqipëria ngrin marrëdhëniet diplomatike me Iranin

7 Shtator 2022, 12:03, Politikë CNA

Sulmi kibernetik ndaj shërbimeve publike online/ Shqipëria ngrin

Kryeministri Edi Rama ka njoftuar se Shqipëria ka ngrirë marrëdhëniet diplomatike me Iranin.

Rama akuzon Iranin se fshihet pas sulmit kibernetik të shërbimeve publike online.

“Një agresion shtetëror, hetimi i thelluar na vuri prova të pakundërshtueshme, se agresioni është bërë nga Irani, ka angazhuar 4 grupe, ndër to, një nga grupet më famëkeqe, autor i sulmeve të Izraelit, Emiratet e Bashkuara dhe Qipro. Kemi informuar aleatët tanë strategjikë, NATO dhe kemi ndarë dhe rezultatet e pakundërshtueshme”, tha Rama.

Rama ka njoftuar se qeveria i ka dërguar notë zyrtarë ambasadës së Iranit dhe i ka kërkuar largimin brenda 24 orëve nga territori i Republikës se Shqipërisë. 

"Nisur nga sa përmendëm më lart, Këshilli i Ministrave ka vendosur me efekt të menjëhershëm ndërprerjen e marrëdhënieve diplomatike me Republikën Islamike të Iranit. Ky vendim i është bërë i ditur me notë zyrtare ambasadës se Republikës Islamike të Iranit, së cilës i është kërkuar largimi brenda 24 orëve nga territori i Republikës së Shqipërisë i të gjithë personelit diplomatik dhe tekniko-administrativ, përshfirë edhe personelin e sigurisë. 

Kjo masë ekstreme, aspak e dëshiruar, po krejtësisht e detyruar, është në proporcion të plotë me seriozitetin dhe rrezikshmërinë e sulmit kibernetik, i cili kërcënoi paralizimin e shërbimeve publike, fshirjen e sistemeve dhe grabitjen e të dhënave shtetërore, vjedhjen e komunikimeve elektronike brenda sistemit qeveritar dhe nxitjen e pasigurisë e të kaosit në vend", tha Rama./CNA.al





Lajmet e fundit nga