web counter
LEXO PA REKLAMA!

SHKARKO APP

App Store
Google Play

Meta, në krah të Ramës/ “Qeveria duhet të jetë e qartë në bashkëpunim me BE-në dhe SHBA-në”

7 Shtator 2022, 14:12, Politikë CNA

Meta, në krah të Ramës/ “Qeveria duhet të jetë e

Ilir Meta ka dalë në krah të Ramës, lidhur me vendimin për Iranin, pas sulmit kibernetik të shërbimeve publike online.

Numri dy i PL-së, Agim Nesho, në një dalje për mediat ka thënë se Partia e Lirisë përkrah vendimin e qeverisë për shkëputjen e marrëdhënieve diplomatike me Iranin.

“Qeveria shqiptare sot konfirmoi për ngrirjen e marrëdhënieve diplomatike me Republikën Islamike të Iranit, si rezultat i sulmit kibernetik ndaj vendit tonë kohët e fundit.

Partia e Lirisë e përkrah këtë masë ekstreme në marrëdhënien diplomatike mes dy vendeve tona, duke e quajtur të drejtë, por pak të vonuar ndaj një vendi, që qëllimet e tij ndaj Shqipërisë i ka pasur agresive dhe destabilizuese, burim kërcënimi të papranueshëm për sigurinë kombëtare.

Ne mendojmë që qeveria shqiptare duhet të jetë më e qartë në qëndrimet e saj të politikës së jashtme, në bashkëpunim me aleatët tanë strategjikë, BE dhe SHBA, sidomos në kushtet e sotme të cenimit të rendit ndërkombëtar nga fuqi sfiduese si Rusia, Irani, etj., për të mos lejuar shtrirjen e influencave të tyre nëpërmjet projekteve destabilizuese rajonale, qarkullimit pa kufizim të shtetasve nga këto vende jomiqësore, që realizojnë interesa antiperëndimore.

Partia e Lirisë mendon që ngjarjet e fundit duhet të sjellin reflektim në qeverisje dhe thekson rëndësinë e qartësisë në politikën e jashtme që i duhet Shqipërisë për përshpejtimin e procesit të integrimit europian”, është shprehur Nesho./CNA.al





Lajmet e fundit nga