TOP PERSONAL STORY, nisi transmetimin në Prime-Time

14 Nëntor 2022, 22:16, Opinione Gjergj Kastri

TOP PERSONAL STORY, nisi transmetimin në Prime-Time

Grida Duma

Kushdo e ndien nevojën të flasë për veten dhe, pothuajse të gjithë e bëjnë në një mënyrë apo në një tjetër. Askush nuk ka të drejtën të ndalojë dikë tjetër të shpalosë tiparet, virtytet dhe veset e veta, por, ka edhe një normë që ndalon megalomaninë dhe protagonizmin.

"Top Channel", media kombëtare, e cila me shumë dinjitet në 21 vite e disa muaj, ka punuar fort për të vendosur veten në podium, shumë shpesh në krye të podiumit mediatik shqiptar, më në fund ka vendosur që prime-time, t’ja besojë për të shpalosur aftësinë e saj komunikuese një zonje sharmante, të artikuluar dhe me ide të mbështetura fort në vetvete. Kjo, mjafton që një zonjë si Grida Duma, të tërheqë vëmendjen e publikut shqiptar, madje, për të justifikuar edhe audiencën ndërkombëtare, fjalori (vokabolari) i saj, është shumë i ndërkombëtarizuar.

Ajo, zonja Duma, shumë shpesh përdor fjalë të huaja jo për të injoruar pasurinë gjuhësore të shqipes, por vetëm për t’i ardhur në ndihmë dhe të jetë lehtësisht e kuptueshme për audiencën ndërkombëtare.

Grida Duma harron se është moderatore/ I dedikon emision vetes: Unë, unë, unë
14 Nëntor, 21:51

Ndërkohë që zonja Duma është më në fund moderatore e emisionit të orës më të ndjekur në median audiovizive më të ndjekur, ndoshta ndihet e pushtuar nga protagonizmi, virtyt i figurave publike të ditëve të sotme dhe, si pa e kuptuar, harroi se një format i tillë, i nisur në mesin e viteve ’90 nga Virgjil Kule dhe që kaloi më pas në duart e Blendi Fevziut, për t’u bërë “pronë” e tij, nuk e nxjerr protagonistit “hero”, përveç se në rastet kur emisioni bëhet me porosi. Porosia këtë herë është autoporosi dhe formati i debatit politik është shndërruar në një format televiziv me karakter autobiografik.

Publiku nuk është i një moderatori të çdo lloj formati televiziv apo mediatik. Publiku është i medias dhe fitohet nëpërmjet prezantimit dhe organizimit të formateve që përmbushin kërkesat dhe nevojat e publikut.

Vërtetë ka nevojë zonja Duma për një emision të dedikuar vetes dhe historisë së saj?, aq histori sa mund të ketë sepse edhe ngjarjet historike dhe figurat historike kanë detyrimin e kohës së duhur për t’u “pjekur” që të bëhen publike dhe të prekshme nga publiku i gjerë.

Pse duhet që "Top Channel" të lërë veten në atë pikë që pas prezantimit të jetëshkrimit të zonjës Duma, asaj pjese të jetëshkrimit që mund të bëhet publike dhe e hapur për publikun, protagonizmit të saj mediatik, nevojës për kohë televizive dhe shikueshmëri në prime-time, të kalojë në debatin disamujor në PD, për legjitimitetin e drejtimit të PD-së,ndërkohë që zonja Duma është shprehur hapur për qëndrimin e saj në lidhje me këtë temë?!, apo mos ndoshta tashmë do të gjejë zgjidhjen si moderatore dhe do të çojë PD drejt fitores së pushtetit?!