web counter
LEXO PA REKLAMA!

SHKARKO APP

App Store
Google Play

E fundit!

x

Ekspertizë pamjeve të lëvizjeve të Ervis Martinajt/ Ish-agjenti: Prokuroria dhe policia s’kanë prova

21 Shtator 2022, 09:48, Aktualitet CNA

Ekspertizë pamjeve të lëvizjeve të Ervis Martinajt/

Jeton Lami, ish-oficeri i forcave operacionale, konsiderohet si “kasafortë” që ka të dhëna se çfarë ka ndodhur me Ervis Martinajn.

Gjithashtu 28-vjeçari Lami dyshohet se disponon emrat e shefave dhe kolegëve të tij në polici që paguheshin nga Martinaj, për t’i shërbyer atij.

Por deri më tani nuk ka informacione se Lami ka dhënë ndonjë dëshmi lidhur me këto çështje as për prokurorët e Kurbinit dhe as për ata të SPAK-ut.

Askush prej tyre nuk ka mundur ta zbërthejë Lamin, i cili tentoi që në Gjykatën e Apelit të ndryshonte masën e sigurisë me argumentin se ai nuk është i përfshirë në akuzën që është ngritur ndaj tij.

Një ditë më parë është mbajtur seanca gjyqësore në Apel për vlerësimin e masës së sigurisë për Jeton Lamin, ish-agjentin e skuadrës së Kërkimit “Fast”.

Lami nuk është paraqitur dje në seancë, është përfaqësuar nga dy avokatët e tij, të cilët kanë kërkuar ndryshimin e masës së sigurisë me pretendimin se klienti i tyre nuk ka lidhje me akuzën për të cilën është arrestuar.

Ekspertizë pamjeve të lëvizjeve të Ervis Martinajt/

Sipas avokatëve, as policia dhe as Prokuroria nuk e vërtetojnë dot që Jeton Lami e ka shoqëruar deri në momentet e fundit Ervis Martinajn.

Në këtë pikë ata kanë kërkuar bërjen e një ekspertize të pamjeve filmike për të vërtetuar nëse është i njëjti person apo jo.

Pavarësisht këtyre argumenetve, gjyqtarja e Apelit, Edlira Petri, nuk e ka ndryshuar masën e sigurisë, duke e lënë kështu në burg, Jeton Lamin.

Arrestimi i Jeton Lamit

Me 23 gusht 2022, efektivi i Forcës Operacionale, Jeton Lami, është vënë në pranga pasi akuzohet se ka ndihmuar 40-vjeçarin e shumëkërkuar.

Jeton Lami dyshohet se ka shërbyer si shofer i 40-vjeçarit të shumëkërkuar duke e transportuar me makinë dhe duke e ndihmuar të arratiset.

Hetimet për zhdukje personi të drejtuara nga Prokuroria e Kurbinit, kanë zbuluar se polici 28-vjeçar, Jeton Lami, ka ndihmuar dhe transportuar Ervis Martinajn, gjatë kohës që ishte shpallur në kërkim, pas dëshmive të Nuredin Dumanit, i cili e lidhi me disa ngjarje të rënda kriminale./CNA.al





Lajmet e fundit nga