web counter
LEXO PA REKLAMA!

SHKARKO APP

App Store
Google Play

E fundit!

x

12 drejtues të lartë policie, lidhje me Ervis Martinajn/ Pse hesht Ministri Çuçi?

5 Shtator 2022, 10:12, Aktualitet CNA

12 drejtues të lartë policie, lidhje me Ervis Martinajn/ Pse hesht

Ervis Martinaj, i zhdukur që nga 9 gushti, vijon të jetë kryefjala e mediave.

Fillimisht u tha se informacionet për zhdukjen e tij kishin ardhur nga Dubai, më pas u tha se pasi i kishte dërguar dy mesazhe familjes nuk u ishte përgjigjur më.

Së fundmi ka dalë një tjetër version, ku thuhet se vetëm një mesazh i ka dërguar xhaxhait ku e paralajmëron të kenë kujdes.

Gjithashtu në media po qarkullon dhe versioni, se oficeri i forcave operacionale, Jeton Lami, i ka rrëfyer ish-drejtorit të Përgjithshëm të Policisë, Gledis Nano, se ka drejtues policie që janë të lidhur me Martinajn.

12 drejtues të lartë policie, lidhje me Ervis Martinajn/ Pse hesht
Jeton Lami

Lami që u arrestua ditë më parë se shoqëronte me makinë biznesmenin e shumëkërkuar, Ervis Martinaj, i ka thënë Nanos se janë 12 drejtues të lartë policie, me të cilët Ervis Martinaj kishte kontakt.

Bëhet fjalë për punonjës policie që ishin në detyra apo që edhe janë ende.

Nano tashmë është shkarkuar nga detyra dhe deri më tani, pavarësisht versioneve që hidhen në media, nuk ka asnjë reagim as nga policia as nga Ministria e Brendshme.

As e mohojnë dhe as e pohojnë, por vetëm heshtin, ndërkohë që drejtues policie, dyshohet se i kanë shërbyer apo i shërbejnë Martinajt./CNA.al





Lajmet e fundit nga