web counter
LEXO PA REKLAMA!

SHKARKO APP

App Store
Google Play

E fundit!

x

Klani Duka, kundërshtarët më të fortë të Martinajt/ “Frika” e politikës se mos Lami zbraz “thesin”

29 Gusht 2022, 13:43, Kronika CNA
Klani Duka, kundërshtarët më të fortë të
Foto ilustruese

Zhdukja e “mbretit të llotove”, Ervis Martinaj, mbetet ende një mister që Prokuroria po përpiqet ta zbërthejë. E gjithë historia nisi që kur Martinaj në fillim të këtij muaji u tha se ishte zhdukur.

Ishiin familjarët e tij, të afërmit e tij, të cilët denoncuan se prej ditësh nuk kishin pasur asnjë kontakt me Martinajn.

Xhaxhai i tij dhe nëna shkuan në komisariatin e Policisë së Kurbinit duke kërkuar nga policia t’i gjenin të afërmin pasi sipas tyre nuk kishin pasur kontakt prej disa ditësh. Ata theksuan në polici, sipas dëshmisë së zbardhur, se mungesa e kontaktit nga Martinaj ishte konstatuar nga një kushëri i tyre me banim në Dubai. Ai u kishte thënë se nuk fliste prej disa ditësh me Ervis Martinajn.

Pas denoncimit u shtua edhe më tepër dyshimi mbi fatin e tij si edhe zhvillimet e bujshme në fushën e kriminalitetit. Ky denoncim përkon me periudhën kur në Laç iu bë atentat dy personazheve të tjerë, të njohur si persona të grupit të Martinajt. Madje, makina e përdorur prej tyre, një Toyota Land Cruiser e blinduar ishte përdorur shumë shpesh nga Ervis Martinaj duke shtuar dyshimet se objekt i atentatit të Laçit ishte pikërisht ai.

Gazetarja investigative, Klodiana Lala, në një deklaratë për "Euronews Albania", u shpreh se një nga kundërshtarët më të mëdhenj dhe të fortë të Ervis Martinajt është klani Duka.

Lala tha se këta të fundit kanë paguar një oficer policie që t’u jepte informacion rreth lëvizjeve të Martinajt.

Sipas gazetares, kundërshtarët nuk mundën të vrisinin Martinajn, por mundën të eliminonin mikun e tij, Santiago Malkon.

“Ka pasur më parë një plan, që klani kriminal Duka që ai u përplas shumë ashpër para disa vitesh, kishte paguar shumë para një agjenci turistike, një oficer tjetër të policisë për të dhënë informacion për lëvizjet e Ervis Martinajt. Ata nuk e vrisnin dot Martinajn dhe i ekzekutuan mikun, Santiago Malkon. Kundërshtarët i prenë të gjithë krahët”, tha Lala.

Ndër të tjera Lala tha se nëse oficeri i operacionales, Jeton Lami do të flasë rrezikon të trazojë gjithë policinë politikën dhe biznesin.

Në "Euronews Albania", Lala u shpreh se agjenti i Forcës së Posaçme Operacione, Jeton Lami, i cili ka shoqëruar të shumëkërkuarin Ervis Martinajn dhe ndodhet në burg, nuk do të flasë para autoriteteve.

“Çështja është se Jeton Lami, ka heshtur deri më tani dhe mendoj se nuk do të flasë, sepse po foli nuk do të mbetet te skuadra e Posaçme Operacionale kjo histori do shkojë në nivele të larta të policisë, deri në nivele të larta politike dhe deri te njerëzit njohur të biznesit”, tha ajo.

Më tej gazetarja theksoi se Lami ishte potencialisht i rrezikuar për t’u vrarë sepse ai kishte të gjithë informacionet për Ervis Martinajn./ CNA.al





Lajmet e fundit nga