web counter
LEXO PA REKLAMA!

SHKARKO APP

E fundit!

x

E rëndë/ Gjyshi plagos me çifte mbesën, dyshimet e para

28 Gusht 2022, 16:09, Kronika CNA
E rëndë/ Gjyshi plagos me çifte mbesën, dyshimet e para
Foto ilustruese

Një 25-vjeçare është plagosur me çifte në zonën e njohur si Patos fshat.

Nga informacionet paraprake, raportohet se e reja është plagosur aksidentalisht nga gjyshi i saj.

Dyshohet se gjyshi i vajzës ka qenë duke pastruar një armë zjarri tip çifte, kur kjo e fundit është shkrepur aksidentalisht.

25-vjeçarja është dërguar menjëherë për ndihmë mjekësore në spitalin e Fierit dhe ndodhet jashtë rrezikut për jetën.

Ende nuk dihen rrethanat e plota të ngjarjes, ndërkohë policia ka nisur hetimet për të hedhur më shumë dritë mbi plagosjen.

"Sot, rreth orës 15:40, në Patos Fshat, nga të dhënat paraprake dyshohet se aksidentalisht duke pastruar çiften, shtetasi A. M., 82 vjeç, ka plagosur mbesën e tij, shtetasen A. S., 25 vjeçe, e cila ndodhet në spital nën kujdesin e mjekëve, jashtë rrezikut për jetën.

Në vendngjarje ka shkuar grupi hetimor dhe po punon për zbardhjen e plotë të rrethanave të ngjarjes", thuhet në njoftimin e policisë./ B.A. - CNA.al





Lajmet e fundit nga