web counter
LEXO PA REKLAMA!

SHKARKO APP

App Store
Google Play

E fundit!

x

Çfarë ndodhi më 5 gusht?/ E dashura misterioze e Vis Martinaj para hetuesve, tregon takimin e fundit

27 Gusht 2022, 15:48, Kronika CNA
Çfarë ndodhi më 5 gusht?/ E dashura misterioze e Vis Martinaj
Ervis Martinaj

Pas arrestimit të agjentit të forcës së posaçme operacionale në policinë e shtetit Jeton Lami, është në marrë në pyetje edhe e reja nga Durrësi, e cila ka dalë në skenë në thrillerin e zhdukjes së Ervis Martinajt.

Sipas abc neës, bëhet fjalë për një vajzë të njohur që ka dalë nga një konkus bukurie.  

Raportohet se ajo ka qenë "Miss Universe". E reja është marrë në pyetje nga prokurorët dhe ka pranuar se kishte që nga muaji janar i këtij viti që shoqërohej me të shumëkërkuarin, me të cilin sikurse deklaron ishte njohur përmes rrjeteve sociale.

“Kam që nga muaji janar i këtij viti që shoqërohem me të, jemi njohur përmes rrjeteve sociale. Herën e fundit që u takuam ishte mbrëmja e 5 gushtit. Një i njohur i tij na shoqëroi për në një hotel në Durrës. Qëndruam aty atë natë dhe të nesërmen na mori. Unë ika për në shtëpi. Dy ditët në vazhdim kam komunikuar me të, por më pas u shkëputën kontaktet. Tentova me çdo kusht të lidhesha me Martinajn, por nuk munda dot. Kam marrë persona që kishin dijeni për të, por nuk kam mësuar asgjë për fatin e personit me të cilin shoqërohesha,”- ka thënë ajo në dëshminë e saj.

Prokuroria po heton prej më shumë se 2 javësh për rrëmbim personi, pas denoncimit të familjarëve të mbretit të lojërave të fatit.

Martinaj ishte në kërkim, në kuadër të operacionit “Plumbi i Artë”, pasi i penduari i drejtësisë Nuredin Dumani, tha se i kishte premtuar 500 mijë euro të vriste Endrit Doklen. 

Prokuroria po heton për të hedhur dritë mbi fatin e Martinajt, duke mos përjashtuar asnjë pistë, nisur dhe nga fakti që ai kishte kundërshtarë të shumtë dhe të fortë./CNA.al





Lajmet e fundit nga