web counter
LEXO PA REKLAMA!

SHKARKO APP

App Store
Google Play

E fundit!

x

Djali vrau babanë në Mallakastër/ Flet kryeplaku i fshatit: Nuk e dinim që do të arrinte deri në këtu

26 Gusht 2022, 08:35, Kronika CNA
Djali vrau babanë në Mallakastër/ Flet kryeplaku i fshatit: Nuk e
Foto ilustruese

Një krim i rëndë në familje është regjistruar mbrëmjen e djeshme në fshatin Greshicë të Mallakastrës.

37-vjeçari Mariglen Muhametaj vrau babain e tij 73-vjeçar, Qemal Muhametaj, duke e goditur me sende të forta.

Menjëherë pas krimit autori u largua, ndërsa u arrestua nga policia pas disa orësh ndjekje në fshat.

Kryeplaku i fshatit Kastriot Hysenaj, duke folur për mediat, ka treguar se 37-vjeçari kishte edhe probleme të shëndetit mendor, por jo problematik.

Ai shprehet se ngjarja mund të ketë ardhur si pasojë e një debati të çastit, pasi atë e bir nuk kishin konflikte.

“Më mori i plotfuqishmi i zonës. Kur vajtën aty e gjetëm të vrarë. Djalin nuk e gjetëm aty. Në momentin që kishte shkuar xhaxhai, ai kishte ikur poshtë. Ka qenë i sëmurë. Ishte djalë i qetë. Nuk e dinim që do arrinte deri në këtë gjendje. Nuk ka pasur konflikte. Rrinte me dhi. Nuk e kam parë me njerëz negativë. Ka qenë tip i mbyllur.

Për mendimin tim ka qenë e çastit. E ëma është e paralizuar. Në momentin që kam ardhur unë çdo gjë kishte mbaruar. I ati ishte shumë njeri i qetë, punëtor, nuk ngatërrohej me njeri. Na duket një gjë absurde. Probleme mendore ka pasur, nuk e di nëse kurohej. Nuk ishte djalë që të merrej me shoqëri të keqe”, thotë kryeplaku. /CNA.al

 





Lajmet e fundit nga