web counter
LEXO PA REKLAMA!

SHKARKO APP

App Store
Google Play

Plagosi bashkëfshatarin pas sherrit për lopën/ Gjendet arma me të cilën u qëllua 53-vjeçari

25 Gusht 2022, 11:10, Kronika CNA
Plagosi bashkëfshatarin pas sherrit për lopën/ Gjendet arma me
Foto ilustruese

Është gjetur arma tip pushkë me të cilën shtetasi Met Lika qëlloi ndaj bashkëfshatarit të tij Rasim Tafa, pas një konflikti për motive banale.

Arma e krimit u gjet e fshehur afër banesës së autorit.

Shkak i sherrit mes tyre është bërë një lopë, e cila kishte hyrë në tokën e autorit. Pas debateve me fjalë, Met Lika ka shtënë me armë në drejtim të komshiut të tij, duke e lënë të plagosur.

Njoftimi i policisë:

Kurbin / Pas kërkimeve të shumta, u bë e mundur gjetja në një parcelë afër banesës së 41-vjeçarit, e armës së zjarrit pushkë që dyshohet se është përdorur mbrëmjen e kaluar, nga shtetasi M. L. për plagosjen e shtetasit R. T.

Si rezultat i kërkimeve të shumta gjatë natës, për dokumentimin e plotë me prova ligjore të ngjarjes së ndodhur mbrëmjen e kaluar, në fshatin Gjormë, Kurbin, ku shtetasi M. L. dyshohet se ka plagosur me armë zjarri shtetasin R. T., shërbimet e Komisariatit të Policisë Kurbin kanë bërë të mundur gjetjen në një parcelë afër banesës së shtetasit M. L., e armës së zjarrit që dyshohet se është përdorur për këtë ngjarje. Konkretisht, u gjetën dhe u sekuestruan në cilësinë e provës materiale, arma e zjarrit pushkë, me krehër me 8 fishekë në të dhe me një fishek në fole.

Në përfundim të veprimeve hetimore, specialistët për Hetimin e Krimeve arrestuan në flagrancë shtetasin M. L., 41 vjeç, për veprat penale “Plagosja e rëndë me dashje” dhe “Mbajtja pa leje dhe prodhimi i armëve, armëve shpërthyese dhe i municionit”.

Materialet procedurale iu referuan Prokuorisë së Rrethit Gjyqësor Kurbin, për veprime të mëtejshme./CNA.al





Lajmet e fundit nga